名館 (黃埔天地) (已結業)

红磡一向都好多餐厅 今日睇完戏落大雨 咁就喺返个商场入面揾野食啦 见到呢间食小菜嘅 就入咗去食啦😗 呢间餐厅都几多人食 我地两个人都冇位 要坐bar台 但系好肚饿就照坐啦 坐得唔系好舒服 射灯射住有啲热 斋坐都出晒汗😥 佢个茶值得一提 好重麦味 我个人就好钟意啦😻我地叫咗两个餐 一个系沙嗲金菇粉丝肥牛煲 前菜就拣咗凉拌猫耳朵 酸酸辣辣嘅云耳食落几开胃 个肥牛煲份量几多👍🏻 食粉丝都饱咗一半 味道就正正常常 唔系好辣 个个都啱食 牛嘅质素就普通啦 整体成个煲都一般 显得前菜特别出色🤔 另外一个餐就真系完全唔推荐大家食啦 叉烧好干好韧 份量仲好少 得六嚿 碟菜就更差 好干身 好老 唔好食 仲有一个我唔钟意嘅系个竹筒藜麦饭 个饭一嚿嚿 唔够粒粒分明 又黏晒喺竹筒入面 好难滗出嚟😐 最后好惊喜嘅系甜品 牛乳芒果布甸 虽然细细杯 但系好香滑 全餐最好食竟然系呢个甜品⭐️ 总括嚟讲 前菜同甜品就好好食 主菜同碗饭反而好一般 短期内应该唔会再嚟🤧