小金井日本料理 (已結業)

日文班深水十二食肆巡礼之一, 呢次已经第二次帮衬, 过往狗女中午绝少帮衬原因系极贵. 但要本兔到呢区上堂兼应下景, 食得好少少晚餐唔拣呢度仲拣边度, 斯文客为主环境, 既不嘈杂亦无烟薰机会. 早少少六点九入, 已经坐四成位晚巿, 预告高峰期全爆旺场景况, 菜牌选择多, 又有厨师介绍, 如海鲜类或特色手卷. 但仍然百年如一日钟意便当. 呢次食物表现, 毫不犹疑比9 分, 入面材料符合心中所要, 高低水准便当分别, 呢度食评便当相片可作比较略知一二. 扣0.5 分就系熟食咖喱牛柳粒, 感觉水份高. 另扣0.5 分就系寿司只得脂肪分配不平均三文鱼一种, 但以前菜御新香(日本腌黄萝卜) 打头阵餐, 配以炸白狼牙天妇罗, 新鲜沙律, 配以黑芝麻'婶' 面白饭. 先咬香脆可口天妇罗, 饮啖面豉汤, 爬啖饭, 感觉非常. 但个人不嬲习惯专食晒一样, 再食第二样. 最后先至熟食+ 白饭, 提起饭, 呢度与其他食物份量分配比例恰可, 唔会惊死你到八十岁无饱饭你食果只. 其他日店见得多, 缩骨起上, 剌身天妇罗就少少, 白饭就多多. 服务正常, 尤其添茶方面, 饮茶机器狗女绝对满意. 可再.