茶木‧台式休閒餐廳 (康怡廣場北座)

营业中

休息中

妈子决定剥牙前，为了减轻她的担心和惊青，于是提出要同佢撑台脚，剥完牙后再同佢食好野！ 食乜好呢，撇除她几乎日日食的连锁快餐店，最后决定坐丁丁去康怡的茶木。客人唔多，地方阔落整洁，坐得都几舒服。 妈妈要了卤蛋肉燥饭 (竟然有 2 只蛋咁多) ，我就要了牛肉面 (本来想试芝士鸡翼+炸鸡件，但见台湾牛肉面好出名，来台式食肆冇理由唔试下)。等左一阵开餐啦！ 碗牛肉面 D 面好似刀削面，烟韧弹牙。旧牛肉系筋+腩的结合，好入味好林。 仲有红萝卜和白萝卜，同埋芫荽和葱以伴，够晒香口。 成碗面比我预期中大碗 (下午茶时段竟然有咁大碗 )，而且个汤底又好入味。餐饮方面我俩都要了热的黑糖珍珠奶茶，又系比我预期的大杯！温度唔会热到熨口饮唔到，真抵赞！ 味道方面唔太甜，珍珠烟韧，成杯饮得出好香的黑糖味。