影片
更多
2006-08-03
21 浏览
咁日睇苹果日报时，发现入面有个广告话只要剪低今日苹果个报头就可以去褔苑或者金都食晚饭就可以免费食条海斑㖞！因为我好钟意食鱼所以就一支箭咁约埋老婆去试！有五间分店，我就拣旺角银行中心对面bodyshop楼上间，上到去个靓女公关就问我有冇买苹果日报，我梗系第一时间话有啦！咁带我地埋位坐喇！2至4位系送清蒸游水老虎斑一条。咁我问驶唔驶话食满几钱又或者有其他额外收费先有得送咖？要你有两位或以上于晚市8:30前入坐就可以咖喇，并冇其他特别限制，可以净系食条鱼，唔叫其他食，埋单两个人都只系须要俾茶钱同加一服务费！哗！有冇搅错！咁大只蛤蜊！真系要向老板致敬，咁样刺激销费，唔该呀"煲呔曾"学啦！.....对唔住，一时激动，话说回头：我身为一个有公德心香港人，梗系唔会咁衰净系食条鱼就算啦！横掂都系出食饭，又未试过呢间酒家，咪叫返两个小炒啰，...当我睇紧食咩时间就有位阿姐走埋我老婆身边介绍A话今日出个豆腐小菜系列㖞，又话我老婆皮肤咁滑梗系食得豆腐多喇！不如就试呢个...唔记得咩名喇，不过我地最后都拣个葡国海鲜焗黑豆腐，再叫多个梅菜蒸一字骨，.....(唔讲咁多废话喇)条鱼都有约一斤左右啦，都几新鲜，肯定
服务：殷勤有礼，但人手不足，举到手
都软！
食物：味道几好，但略为慢！(一字骨
唔够热)
价钱：以上2小菜(连埋条鱼)，白饭2，
茶&加一，都系$150左右。
抵抵抵抵抵(五个抵)
p.s.:埋单时个公关同我讲：呇a送鱼送到8月31日....
下次叫多几个朋友，因为五位以上送大青斑....
(心谂梗系老虎斑好食啦！)
不过真系要同呇悛O行个五体投地礼，送鱼送成个
月，唉!!!.....香港饮食业真系咁难做？.....唉!
"煲呔曾"....检讨啦！(对唔住，我太多口)
有机会再同大家分享啦！bye bye!!
张贴