龍麵館 (已結業)

因为妈妈好钟意食龙虾，朋友亦都推介，话卖相精致，蛮有特色，所以就同屋企人黎下！

龙虾萝卜酥 
师父在传统点心萝卜酥之中加入龙虾肉，入面除了有龙虾肉，更加入马蹄粒、芫茜碎造成馅料酥炸，造型别致！龙虾酥卖相一流，萝卜丝酥就食过好多次，但系龙虾酥真系第一次，所以加分！咬落去，大大啖龙虾肉，个酥个质感系萝卜丝酥个皮，略嫌个皮有点厚，唔够松脆，味道几好，别得出龙虾鲜味！但只可以吃小小，因为食得多有点腻！

芝士龙虾伊面
难得黎到，紧系试埋佢个龙肉芝士龙虾伊面，呢到嘅芝士汁味道好出色，见到系深深黄黄既色，唔系用一般芝士，应该系用了车打芝士！成个酱汁够厚身，所以伊面可以挂起哂啲汁，正！龙虾肉又够爽口！西班牙黑毛猪叉烧
估唔到个黑毛猪叉烧咁出色！用热盘同热石盛住，令到个叉烧够热，又唔会太肥，用黑毛猪嘅肉质好软腍，仲有小小脆边，又够入味！


妈妈话好食，仲叫多左碟！