古今二 (荃灣千色匯I) (已結業)

好几年前，已经喺朋友推介之下试咗观塘分店嘅古今二餐厅。当时嘅餐厅细细间，仲要喺工厂区，但系好有特色，食物质素都好好。当时冇咩地方专食创意卷物寿司，所以都觉得好有惊喜，而且价钱合理，性价比高，大大碟，一路都记挂住。差不多5-6年无食，然后在荃湾千色汇商场入面知道有开新分店，对我嚟讲比较就脚。我同男朋友平日大概8点几入到去，都差不多满座。首先嚟咗一个小食先就系鸡泡鱼干，估唔到简简单单嘅鸡泡鱼干，烧热咗之后点蛋黄酱系咁好食。我哋点左呢个牛肉寿喜烧锅，好大个锅啊！而且仲有个热炉，一路食都系热辣辣。入边材料好丰富，好多菜，金菇，豆腐，仲有大大片牛肉，仲有粗粉丝底添。我地点咗两款创意卷物，因为我哋唔食生野，我哋就点左两个都熟嘅。两款卷物卖相都好好，材料十足，寿司上面仲铺咗满满嘅蟹柳丝，真系好好食。酱汁加埋都好衬，加埋有淡淡地嘅芒果味，好开胃。我好记得以前喺其他分店食过龙卷风沙律，都系呢一个价钱，而且份量都系好大，份量好多，材料好足。入边有蟹柳丝同中华沙律，同有啲脆片碎碎，食落口好多口感，而且蔬菜都好多好新鲜。