影片
更多
2018-09-22
321 浏览
一入到去已经觉得好似去咗日本咁，唔单止大厨系日本人，仲有两枱食客系日本人，咁就证明啲野食够晒正宗啦！餐厅地方唔算大，但系个环境同气氛都好舒服，好适合同朋友小酌两杯。我地好好彩被安排坐系吧台位置，可以望住师傅整野食，真系视觉同味觉都同时享受到。我地嗌咗清酒煮蚬、红酒煮牛舌、网烧黑毛和牛西冷、炸南蛮鸡同埋海胆蒸笼饭。先嚟清酒煮蚬，个汤一流，浓得嚟唔系只得酒味。试埋只蚬，一入口系葱味，然后蚬味，最后系淡淡既酒味，够哂有层次。第二道菜系网烧黑毛和牛西冷，呢个睇食评见好多人推介，果然冇令人失望。个摆盘好精致，有酸汁、烧汁、芥末酱、鳀鱼加橄榄同海盐俾你点黎食，同一个菜，由唔同酱汁带畀你唔同嘅味道。个人觉得海盐最可以带出个肉味同鲜味，加上海盐既咸味，令你食到最后都唔觉得腻。和牛生熟程度啱啱好，出面系煎到仅脆既，里面入口即溶，一入口系油脂味加埋好重既牛味，好香口。黑毛和牛食左一半，红酒煮牛舌就上埋。实在系令人太惊喜既一道菜，冇谂过个牛舌系咁厚身，淋到唔需要点用刀切，好入味。之后系炸南蛮鸡，好欣赏餐厅会见你上一道菜食得七七八八先上菜，叫煎炸野唔洗惊会淋。炸鸡个皮炸得好香口，不过惊喜位喺塔塔酱到，食落知道
餐厅地方唔算大，但系个环境同气氛都好舒服，好适合同朋友小酌两杯。我地好好彩被安排坐系吧台位置，可以望住师傅整野食，真系视觉同味觉都同时享受到。
我地嗌咗清酒煮蚬、红酒煮牛舌、网烧黑毛和牛西冷、炸南蛮鸡同埋海胆蒸笼饭。
先嚟清酒煮蚬，个汤一流，浓得嚟唔系只得酒味。试埋只蚬，一入口系葱味，然后蚬味，最后系淡淡既酒味，够哂有层次。
第二道菜系网烧黑毛和牛西冷，呢个睇食评见好多人推介，果然冇令人失望。
个摆盘好精致，有酸汁、烧汁、芥末酱、鳀鱼加橄榄同海盐俾你点黎食，同一个菜，由唔同酱汁带畀你唔同嘅味道。个人觉得海盐最可以带出个肉味同鲜味，加上海盐既咸味，令你食到最后都唔觉得腻。和牛生熟程度啱啱好，出面系煎到仅脆既，里面入口即溶，一入口系油脂味加埋好重既牛味，好香口。
黑毛和牛食左一半，红酒煮牛舌就上埋。
实在系令人太惊喜既一道菜，冇谂过个牛舌系咁厚身，淋到唔需要点用刀切，好入味。
之后系炸南蛮鸡，好欣赏餐厅会见你上一道菜食得七七八八先上菜，叫煎炸野唔洗惊会淋。炸鸡个皮炸得好香口，不过惊喜位喺塔塔酱到，食落知道落左功夫，唔会得个酸字，但令到炸鸡一啲都唔腻，好夹。
最后系海胆蒸笼饭，朋友本身钟意食海胆所以冇乜惊喜。就系暖暖既海胆同寿司饭既配搭，食落较为干身，如果有汁捞可能会好啲。
上菜时会分开畀埋紫菜丝你自己捞，记得要分散啲倒落去，如果唔系啲饭仲热，会痴住哂啲紫菜冇得捞。
值得一赞既系啲staff既服务态度好好，走个阵仲会送到去䢂口，令你感受到咩叫高级日本料理。
张贴
