京滬村 (已結業)

好姊妹一家搬左去元朗YOHO住, 新居入伙当然要带她食返餐饭~身为上海姑娘的露露挑选左呢间上海菜,因为地点邻近西铁站YOHO Mall, 岩晒好姊妹同家人黎食~呢间楼上餐厅面积大, 座位宽阔舒适,菜式方面仲会定期推出创业料理,亦有岩一家大细的套餐系列, 价钱亦唔会贵~<蜜汁火腿莲子>店舖的招牌菜式之一, 亦系露露最爱的必食菜色 蜜汁火腿口感结实, 有少少肥肉,淡淡的肉香又不油腻炸腐竹松化香脆白馒头热哄哄好松软 食的时候, 先将白馒头包著炸腐皮、蜜汁火腿、莲子再沾上一甜甜的蜜汁香脆肉香又微甜,口感层次丰富!!<石锅鲜蟹粉炒饭>  先将饭炒好再放入石锅,上面铺满蟹黄蟹肉捞匀后食到饭粒粒分明, 仲有脆脆的饭焦蟹味十足! <火焰麻辣虾>  用纸火锅未煮, 在上枱时淋上70度的烈酒,麻辣虾在火焰之中翻炒, 香浓的麻辣以及酒味散发出~令人胃口十增!虾的份量十足, 而且大大只虾肉新鲜弹牙<纸火锅小笼包> 点火后等滚烫就可以食,第一次食纸火锅小笼包汤好鲜甜小笼包皮薄涵足令人回味无穷！