影片
更多
2023-01-03
19 浏览
💎总评分：7.0/10-某日收到新店邀请试食💌，见佢食物卖相精致，大坑嘅餐厅应该有返咁上下水准，weekend嚟到好快见人龙。小店空间不大主要以细枱为主，橙啡色调配木制枱櫈🪵，几有民族风。1️⃣ 泰式肉碎脆球 $108其实系平时泰式肉碎生菜包嘅变奏版，灵感取自印度小食Pani puri， 用咗圆形脆球代替生菜，肉碎调味汉分💯，适当嘅辣加上香草嘅调味🌶️，上枱时传来阵阵香味。肉碎足够塞满咁多个波波😝，同用生菜包住系两种截然不同嘅质感！虽然脆球好大个，但强烈建议擘大个口一啖食晒先至可以完美地体会到脆球爆破一刻嘅快感🤪。2️⃣ 泰式虾油大虾炒金边粉 $119相比之下pad thai比较常见，用左虾油去炒带出更浓虾香🦐，质感干身不会过于油腻，但略嫌面条夹起嚟时好易断🙈，大虾未够爽弹，整体还是相当惹味👌🏻。3️⃣ 冬阴公鸡宝 $68 因为唔知鸡宝系咩，店员话系炸鸡，点知完全系两回事😅。鸡卷上面放咗好多芫荽、香茅等香料，主要以泰式酸辣酱调味🌶️，食材普通份量较细，性价比无其他食物高🤔。4️⃣ 双色芒果黑白糯米脆筒 店内主打必点✨~亦系目前唯一一个dessert。将传统芒果糯米饭升级🥭，倒转嘅雪糕筒成功吸睛👀，仲有食用
-
某日收到新店邀请试食💌，见佢食物卖相精致，大坑嘅餐厅应该有返咁上下水准，weekend嚟到好快见人龙。小店空间不大主要以细枱为主，橙啡色调配木制枱櫈🪵，几有民族风。
1️⃣ 泰式肉碎脆球 $108
其实系平时泰式肉碎生菜包嘅变奏版，灵感取自印度小食Pani puri， 用咗圆形脆球代替生菜，肉碎调味汉分💯，适当嘅辣加上香草嘅调味🌶️，上枱时传来阵阵香味。肉碎足够塞满咁多个波波😝，同用生菜包住系两种截然不同嘅质感！虽然脆球好大个，但强烈建议擘大个口一啖食晒先至可以完美地体会到脆球爆破一刻嘅快感🤪。
2️⃣ 泰式虾油大虾炒金边粉 $119
相比之下pad thai比较常见，用左虾油去炒带出更浓虾香🦐，质感干身不会过于油腻，但略嫌面条夹起嚟时好易断🙈，大虾未够爽弹，整体还是相当惹味👌🏻。
3️⃣ 冬阴公鸡宝 $68
因为唔知鸡宝系咩，店员话系炸鸡，点知完全系两回事😅。鸡卷上面放咗好多芫荽、香茅等香料，主要以泰式酸辣酱调味🌶️，食材普通份量较细，性价比无其他食物高🤔。
4️⃣ 双色芒果黑白糯米脆筒
店内主打必点✨~亦系目前唯一一个dessert。将传统芒果糯米饭升级🥭，倒转嘅雪糕筒成功吸睛👀，仲有食用花令卖相更加精致😍。芒果鲜甜唔酸，黑白糯米烟韧，配椰奶本就是天作之合，overall味道好喜欢♥️。
5️⃣ 泰式奶茶 $45；青柠梳打 $46
本来想叫嘅椰青波波售罄🙈，取而代之嘅青柠梳打清新解喝👌🏻。泰式奶茶有水准，茶底香浓🫖，贯彻一般泰式奶茶偏甜。
小店食物质素的确唔错，卖相道方令人满意🫶🏻，主打即叫即制，但等候时间实在有啲耐🫣，尤其系weekend lunch，上菜速度系一个重要因素，。相信小店刚开业不久，menu款式应该会陆续添加，期待到时有更多甜品选择啦!
-
环境服务：⭐⭐⭐⭐
食物质数：⭐⭐⭐⭐
打卡指数：⭐⭐⭐
张贴
