古今二 (The ONE)

营业中

休息中

听人讲呢间餐厅成日都会推出D特别嘅创意料理出黎，几有惊喜感咁。今次终于去左尖沙咀呢间分店食晚餐，位置上好方便之余环境坐得都好舒适。金龙卷 $105 望个样都几特别，有三文鱼、炸虾、芝士卷出黎，饭卷都唔会话好大旧好方便一啖一件。三文鱼都系新鲜，有少少蛋黄酱衬托住个味，炸虾够脆唔油几好。芝士唔少，味道够浓，我加左少少wasabi一齐食更加正。龙卷风 $72 另外仲有款饭卷，呢款系有鳗鱼、炸虾、芝士、青瓜、脆片。几特别嘅外观，真系好龙卷风咁。口感有脆身，味道上都多层次，连埋d脆片口感仲多左份脆脆嘅口感。鳗鱼都几油香，芝士味道够浓，正正。杂锦刺身沙律 $108 沙律份量多够两个人食，入面有d三文鱼粒吞拿鱼粒同八爪鱼粒，仲有唔少蟹籽。成个沙律都清新，刺身都好新鲜。蒜香牛油烧帆立贝 $42 鹿儿岛黑豚荔枝卷串烧 $32串烧都烧得唔差，帆立贝一串两大粒，加左牛油同蒜一齐烧好香，咬落肉质够实净弹牙。另外串黑豚荔枝卷都几特别，黑豚片卷住粒荔枝入口食到粒荔枝好多汁爆出黎，个味道酸酸甜甜咁淡化左黑豚肉个份油腻感，几特别。