古今二 (The ONE)

营业中

休息中

朋友约咗去尖沙咀食饭，佢话有间居酒屋菜式几特别同埋啲名好古怪，我问佢系咪古今二，佢话系。我同佢讲我早排食过，嘢食唔差，可以去。首先叫咗个日式麻酱豆腐沙律，豆腐好滑，又有好多三文鱼子，加埋啲麻酱，系一个好开胃嘅头盘。跟住叫啲串烧，鳗鱼鱼肉好厚，块皮烧得好脆。猪颈肉就切得几大粒，一啖一粒，唔鞋，同好Juicy。跟住叫咗龙卷风，细细旧卷物加咗烧汁，好味道。跟住主角登场，师傅拎碟火山嚟到枱面，喺你面前点火，啲火烧咗分几钟，攞嚟拍嘢效果好好，好多枱嘅人都望过嚟。讲返碟火山，下面系蟹柳卷物，上面铺咗带子同埋好多蟹柳，再加少少酱汁，卖相真系冇得顶，价钱又唔贵。两个人虽然唔系食到捧住个肚，但喺度倾吓偈，吹吓水，系一个唔错嘅地方。呢度唔系好多个位，下次嚟要打电话订定枱先。