古今二 (The ONE)

营业中

休息中

之前已经去过古今旗下几间分店，今次上堂前经过、记得佢地D寿司卷物几好食就再战一次尖沙咀新开既【古今二】。日式麻酱豆腐沙律：蔬菜新鲜爽脆、豆腐嫩滑、再搭配香浓同微酸既芝麻酱，非常开胃。江户薄烧牛仔骨：主要用黑椒去烧牛仔骨，同出面既盐烧或者烧肉酱唔同。好香口、非常惹味。牛仔骨烧得岩岩好，肉质软霖。东京爆脆：内馅系吞拿鱼同蟹柳，之后再用紫菜包起炸左，非常香脆！因为新鲜整起、紫菜都仲好新鲜！而且沙律酱微辣，可以解腻。烈火红唇：非常特别既卷物，用水果入馔、包括士多啤梨、炸牛肉同芝士。士多啤梨既酸甜搭配炸牛肉、可以去除油腻感、而芝士增加creamy感。个人觉得系几特别既combo，不过呢一款等候时间比较长。