糖宮甜品專門店 (積信街)

营业中

休息中

饭后甜品，见以间门口装修到好靓，门口挂住两个结他，如果钟意jam 歌既朋友，可以去jam 下歌食下甜品。以家食甜品既地方唔多，而且好普通，黎黎去去都系食个几款，今日好开心食到一间好有创意既甜品，用心制作，仲有限定甜品，餐牌上冇架。见到有糖宫新推介*洛重西*（$68）卖相好吸引，有洛神花冰，平时饮开洛神花茶，洛神花冰第一次食，酸酸甜甜，而且仲有西瓜仔，士多啤梨，椰果，三色椰果，水晶粒，生果好新鲜，入面仲有好多凉粉，大大粒，冰冰冻冻，夏天食真系消暑一流！仲有新推出既*黄金芋圆糖不甩*上面有好多咸蛋黄碎，芋圆，地瓜圆，紫薯圆，唔太甜，烟烟韧韧，配上自制花生粒，咸咸甜甜，味道好特别，好好食。*即制芒果拿破仑*人气之选即叫即做，用上新鲜芒果做，中间的自制吉士酱，味道岩岩好，唔太甜，而一层叠一层的酥皮焗得好香脆。