尚夢・茳煳 (已結業)

🍵玻璃茶壶精致高级再加埋个热底座，成餐饭都饮到暖笠笠嘅香茶🥄松茸炖螺头汤＄78（每日不同的厨师炖汤）炖汤＋热底座成件事已经好正，一开盖就闻到好香嘅炖汤味，清香松茸加鲜甜螺头，饮落滋阴顺喉🥢尚梦终极小炒皇＄188小炒皇通常有好多不同嘅配料炒埋一碟，而呢度嘅特色就喺好多香脆嘅小鱼铺满成碟菜面上，脆卜卜好惹味，其他食材有鲜虾、虾干、鱿鱼干、韭菜花、红椒丝及甜菜谱，炒得惹味香口🥢秘制宫廷香烤骨（微辣）＄178原件腩排用煲上，堂上即席切开六旧，够哂仪式感，腩排已去骨，所以做到好似五花腩嘅卖相及口感，但又无五花腩咁油腻，非常软淋香浓🥢茳煳炒饭＄112 米饭炒得粒粒爽口分明，材料食到有金华火腿、杞子、菜粒、咸蛋黄及甜菜脯，全部切得细细粒，每啖炒饭都啖啖有料，咸香又惹味 🍮杞子桂花糕超足料嘅杞子桂花糕，清甜芳香，糕面有一小撮嘅桂花酱，好独特嘅口味，好似喺桂花混合咗咸柑桔蓉，使到淳朴嘅桂花糕增添咗无限层次😋食埋个甜品，非常满足无论系茶壶及炖汤嘅烛台以及服务态度，每个细节位都到位贴心👍另外，腩排去骨嘅香烤骨以及桂花糕面嘅桂花酱都创意创新👍发现有二楼，原来系VIP房可以食私房菜，下次可以约埋朋友试下先🤩鱼坚