Emack & Bolio's (已結業)

食雪糕嘅铺头好多，要突围而出就要有啲特色吸引人。小编就钟意呢间雪糕舖嘅雪糕筒。佢嘅雪糕筒有唔少款可以选择，有朱古力、朱古力彩虹糖同花生配朱古力等等，亦都有捞棉花糖嘅，价钱会高啲。佢啲雪糕筒唔系无限供应，卖哂就冇。小编本身谂住食返朱古力脆脆棉花糖，但去食𠮶晚望住前面啲人买晒😢 唯有转其他，所以就试左米通脆脆面花糖。结论系两个cone都一样咁好食。上面系芒果雪糕下面系桃雪葩。因为𠮶日晚餐食得饱，所以雪糕就想拣啲清爽啲嘅口味。芒果𠮶只唔会好甜，桃雪葩好清爽，不过两只味同个筒就唔太夹😂上面系花生酱焦糖雪糕，下面系三重朱古力云呢拿雪糕，听见都觉得溜😂 不过两个都好食，尤其上面𠮶个。佢个花生酱应该系黎自Reese’s个peanut butter cup，佢地切开左，会食倒细细粒。下面𠮶个就比较普通。但两个雪糕整体都偏甜。小编净系食过中环呢间，服务几差，啲员工基本上都冇笑容，冇声冇气。唔系叫你做小丑嘅，只系基本礼貌同服务都应该要有。上一次去仲不停比个staff训话。𠮶次咁啱睇到cashier个牌，宜家易赏钱手机app有优惠券，可以无限次使用(到年2019年底)。上次第一次用就禁左出黎比个staff睇