熨烤達人 (已結業)

之前经过熨烤达人已经俾佢门面个熨斗吸引住，咁岩朋友呢轮想食韩烧，就即时谂起试下呢间。餐厅除左韩烧以外仲有其他熟食可以叫，于是我地叫左d烧肉同熟食share食😬黑松露明太子蛋卷分别有黑松露同明太子蛋卷各一件，黑松露味香味浓郁，食落好滋味。明太子蛋卷亦十分足料，唔错。寒冰水冷面伴面有条鲜果雪条，创意十足，同时可以保持冷面效果，值得一试。炭烧半熟韩牛呢个大推，店员表示可以即食，但系由于食唔惯咁生，所以都烧一烧先食。食落入口即溶，口感好好，一食都觉得系靓牛，好好味。调味猪颈肉上碟时十分有心思，以花型铺设，食落一d都唔韧，味道不错。芝士炸鸡十分大盘，差唔多有十件。可以选择先试炸鸡，炸得十分香脆，唔怕热气可以一试。炸热放系炸炉上，芝士慢慢溶，然后慢慢用炸鸡卷上芝士，即刻出现邪恶拉丝炸鸡，正。另外Like Facebook 有野饮送，抵晒。