影片
更多
2018-06-25
597 浏览
好朋友生日当然要带佢食好野啦知佢钟意食日本野，而且又唔钟意咁嘈！所以我今次就拣咗去金朝阳呢间日本菜啦一入到嚟，觉得环境都唔错最钟意佢啲灯饰好有星空嘅感觉！见个二人餐都几啱食，所以就干脆叫咗个二人餐（$798/2人）啦先嚟轻烧帆立贝配牛油果，帆立贝新鲜大粒，唔错！不过最估唔到系，原来配埋牛油果同鱼子酱一齐食，味道都几夹！之后呢个系大蓝湖❗️说穿了即系刺身拼盘一共有六种款式，包括三文鱼、左口鱼、赤身、平政、帆立贝同牡丹虾！每款都好新鲜，完全无雪味不过最有趣都一定系佢个豉油咁大个女都系第一次见到蓝色嘅豉油㗎咋！所以呢个刺身拼盘叫「大蓝湖」就系咁解啦颜色虽然有变，但味道其实同普通嘅日式豉油一样，都系带少少甜味！加少少wasabi 一齐食，正之后又点少得我最钟意嘅杂锦天妇罗脆浆唔会好厚身，食落好松化！唔错再嚟系黑鳕鱼蟹膏烧！厨师系鱼嘅面层搽咗啲蟹膏，再攞去烧所以食落除咗会食到嫩滑嘅鱼肉外，仲会食到蟹膏嘅鲜味，两者互相辉映，朋友都大赞好食之后系黑松露炒黑豚肉石锅饭，豚肉嫩滑唔会鞋，而且佢地用咗日本珍珠米去煲饭，所以食落特别甘香松软而且份量都唔少，啱晒啲大胃王初头唔知个饭咁大，所以仲叫咗个拖罗豪华卷$
一入到嚟，觉得环境都唔错最钟意佢啲灯饰好有星空嘅感觉！
见个二人餐都几啱食，所以就干脆叫咗个二人餐（$798/2人）啦先嚟轻烧帆立贝配牛油果，帆立贝新鲜大粒，唔错！不过最估唔到系，原来配埋牛油果同鱼子酱一齐食，味道都几夹！
之后呢个系大蓝湖❗️说穿了即系刺身拼盘一共有六种款式，包括三文鱼、左口鱼、赤身、平政、帆立贝同牡丹虾！每款都好新鲜，完全无雪味
不过最有趣都一定系佢个豉油咁大个女都系第一次见到蓝色嘅豉油㗎咋！所以呢个刺身拼盘叫「大蓝湖」就系咁解啦颜色虽然有变，但味道其实同普通嘅日式豉油一样，都系带少少甜味！加少少wasabi 一齐食，正
之后又点少得我最钟意嘅杂锦天妇罗脆浆唔会好厚身，食落好松化！唔错
再嚟系黑鳕鱼蟹膏烧！厨师系鱼嘅面层搽咗啲蟹膏，再攞去烧所以食落除咗会食到嫩滑嘅鱼肉外，仲会食到蟹膏嘅鲜味，两者互相辉映，朋友都大赞好食
之后系黑松露炒黑豚肉石锅饭，豚肉嫩滑唔会鞋，而且佢地用咗日本珍珠米去煲饭，所以食落特别甘香松软而且份量都唔少，啱晒啲大胃王
初头唔知个饭咁大，所以仲叫咗个拖罗豪华卷$158，真系差啲食唔晒，哈哈拖罗肉质鲜嫩，鱼味清甜，同刺身一样咁高质
最后仲有个绿茶布甸做甜品添，口感嫩滑唔太甜，唔错！
食完饭想同朋友再倾计，所以仲叫咗呢杯Cocktail- Sakura Dream $118一上枱就觉得超靓，荔枝味好重，味道甜甜地咁，比较适合女仔饮
张贴
