影片
更多
2019-07-10
33 浏览
为食团又系时候出动喇，今日我哋做足功课，已经锁定咗旺角嘅一间新开嘅点心铺头，叫做点心廊，因为之前都见到佢有一个点心拼盘非常靓，真系打卡神物，所以就要过嚟试试。一入到呢间餐厅，装修都几华丽，我哋坐卡位都非常阔落同舒服一坐低就问我哋饮乜茶，职员马上就推介我哋试下佢哋嘅桂花乌龙茶，饮落嘅桂花味非常突出，亦有淡淡嘅乌龙茶味，有别于一般茶楼饮到嘅茶，非常推介。点心嘅餐牌我哋都冇乜研究，因为我哋净系想叫创意点心拼盘，$198就可以试晒呢度大部分嘅招牌菜，另外再叫左个蒸饭同一个叉烧包。创意六式拼盘。拼盘卖相非常浮夸高雅，精致嘅点心笼载住虾饺同凤眼饺，另外仲有一叠合共八件嘅点心。可以话系每一件点心都有佢嘅卖点，金箔，海胆，鲍鱼，燕窝，啤梨等等，果然系有精心设计过，卖相的确系满分嘅。金箔蟹粉墨汁鲜虾饺。固然我系第一次食黑色嘅虾饺，虾饺外皮用咗墨鱼汁制成，墨鱼汁都几香，咬落去充满蟹粉，加上落埋金箔，外型非常靓仔，十分推荐。海胆凤眼饺。你可以当成一只相对普通嘅水饺，但上面放咗两片海胆，浓郁嘅海胆味令到成个水饺都好好食，亦系推荐。原只鲍鱼鸡粒酥。我个人就觉得最好食系呢件，鲍鱼非常入味同淋身，鲍鱼下面有些少嘅肉
为食团又系时候出动喇，今日我哋做足功课，已经锁定咗旺角嘅一间新开嘅点心铺头，叫做点心廊，因为之前都见到佢有一个点心拼盘非常靓，真系打卡神物，所以就要过嚟试试。
一入到呢间餐厅，装修都几华丽，我哋坐卡位都非常阔落同舒服
一坐低就问我哋饮乜茶，职员马上就推介我哋试下佢哋嘅桂花乌龙茶，饮落嘅桂花味非常突出，亦有淡淡嘅乌龙茶味，有别于一般茶楼饮到嘅茶，非常推介。
点心嘅餐牌我哋都冇乜研究，因为我哋净系想叫创意点心拼盘，$198就可以试晒呢度大部分嘅招牌菜，另外再叫左个蒸饭同一个叉烧包。
创意六式拼盘。
拼盘卖相非常浮夸高雅，精致嘅点心笼载住虾饺同凤眼饺，另外仲有一叠合共八件嘅点心。可以话系每一件点心都有佢嘅卖点，金箔，海胆，鲍鱼，燕窝，啤梨等等，果然系有精心设计过，卖相的确系满分嘅。
金箔蟹粉墨汁鲜虾饺。
固然我系第一次食黑色嘅虾饺，虾饺外皮用咗墨鱼汁制成，墨鱼汁都几香，咬落去充满蟹粉，加上落埋金箔，外型非常靓仔，十分推荐。
海胆凤眼饺。
你可以当成一只相对普通嘅水饺，但上面放咗两片海胆，浓郁嘅海胆味令到成个水饺都好好食，亦系推荐。
原只鲍鱼鸡粒酥。
我个人就觉得最好食系呢件，鲍鱼非常入味同淋身，鲍鱼下面有些少嘅肉粒同酱汁，酥皮都好松脆，呢件真系不得了。
黄金啤梨咸水角。
呢件主打卖相，食落味道正常好食嘅，可以当作为迷你嘅咸水角。
黑白芝麻流心煎堆仔。
咬开左个煎堆都有好澎湃嘅黑芝麻馅，作为甜品都算唔错。
一口燕窝蛋挞。
燕窝堆到成座山咁高，咬落有淡淡嘅燕窝味道，呢个同样都系食埋相同食矜贵嘅感觉。
竹炭叉烧包。
同场加映，黑色嘅竹炭叉烧包，重点系竹炭包非常松脆，配住叉烧馅料嚟食很好食，都系推荐。
沙姜北菇蒸滑鸡饭。
呢个鸡饭就相对普通的，卖点冇上面𠮶啲点心咁犀利，但都系合格有余嘅。
总结，餐厅环境华丽，点心有创意有特色，尽显奢华，绝对啱晒啲打卡嘅朋友，同时创意点心嘅质素非常高，大部份有深刻嘅印象同好食既，绝对系诚意之作。
张贴
