影片
更多
2019-08-07
29 浏览
难得一年一次生日，决定放纵一次，食厨师发办好好慰劳自己！呢度嘅厨师发办好特别，加入左好多心思去设计摆盘同菜单，烹煮方法都同一般传统既厨师发办唔同，系一次几特别既体验。一坐低就会有一杯苹果汁，加入左日本清酒嘅成份，饮落更加冰爽。今日嘅前菜系牛油果他他，牛油果酱配杂锦鱼生同少量青瓜。第一次以咁样嘅形式去食用牛油果，酱汁好浓厚，加埋鱼生同青瓜一齐食就冇咁腻。呢度嘅牛骨汤烹煮方法好有新意，用一部好特别嘅机器煮沸牛骨汤，汤汁吸收晒所有精华，饮落牛味香浓。而牛肉片口感香软，莲藕爽脆，几出色！烟熏蛋造型别致～其中一道我觉得几难忘嘅菜式就系烧鸡卷，外层系写满日文嘅「报纸」，其实系用糯米做嘅，食落去有一丝丝嘅甜味。入面包住香滑、烧过既鸡件，食完唔够喉，真系想食多两件呀！四色天妇罗原味鲜虾味突出，而咸蛋黄、黑松露如果再重手啲啲就更好！仲有炸过既梅面 ，可以当薯条食，十分香脆。用菠萝造型嘅器皿装住冰凉既沙冰，可以清一清喉咙。豆纸寿司既外层色彩夺目，令到寿司更加方便食用。入而系香浓既牡丹虾，鲜味十足。-包菜寿司，蔬菜包住嘅系三文鱼，平时好怕食生既蔬菜，因为好怕𠮶浸青草味，但系呢个寿司出奇地冇呢种味，反而几清新
难得一年一次生日，决定放纵一次，食厨师发办好好慰劳自己！呢度嘅厨师发办好特别，加入左好多心思去设计摆盘同菜单，烹煮方法都同一般传统既厨师发办唔同，系一次几特别既体验。一坐低就会有一杯苹果汁，加入左日本清酒嘅成份，饮落更加冰爽。
今日嘅前菜系牛油果他他，牛油果酱配杂锦鱼生同少量青瓜。第一次以咁样嘅形式去食用牛油果，酱汁好浓厚，加埋鱼生同青瓜一齐食就冇咁腻。
呢度嘅牛骨汤烹煮方法好有新意，用一部好特别嘅机器煮沸牛骨汤，汤汁吸收晒所有精华，饮落牛味香浓。而牛肉片口感香软，莲藕爽脆，几出色！
烟熏蛋造型别致～
其中一道我觉得几难忘嘅菜式就系烧鸡卷，外层系写满日文嘅「报纸」，其实系用糯米做嘅，食落去有一丝丝嘅甜味。入面包住香滑、烧过既鸡件，食完唔够喉，真系想食多两件呀！
四色天妇罗
原味鲜虾味突出，而咸蛋黄、黑松露如果再重手啲啲就更好！仲有炸过既梅面 ，可以当薯条食，十分香脆。
用菠萝造型嘅器皿装住冰凉既沙冰，可以清一清喉咙。
豆纸寿司既外层色彩夺目，令到寿司更加方便食用。入而系香浓既牡丹虾，鲜味十足。
-
包菜寿司，蔬菜包住嘅系三文鱼，平时好怕食生既蔬菜，因为好怕𠮶浸青草味，但系呢个寿司出奇地冇呢种味，反而几清新。
-
𩽾𩾌鱼肝充满鱼油香，蟹膏寿司则蟹味十足。而我最钟意就系吞拿鱼寿司，加左小小脆片系鱼蓉上，食落好似春卷一样咁香、咁脆。
甜品系巨蜂提子同焦糖多士绿茶雪糕，成餐饭又有樱花茶、苹果清酒、日本茶同沙冰，好多野饮。而焦糖多士香脆，甜度又唔会over, 几有惊喜！
张贴
