捌壹公館 (已結業)

呢日同朋友去尖沙咀行街，都食过尖沙咀好多野食，今次去佐敦发掘野食，得知有一间新开嘅捌壹公馆，一听个餐厅名都觉得好有创意🤣因为系吴松街81号。菜式充满特色，可以话系中西fusion菜。首先试咗黑松露薯条配黑松露蛋黄酱，薯条十分脆卜卜😋条条都充满黑松露，黑松露蛋黄酱味道浓郁。小食仲试咗孜然单骨鸡翼，讲起孜然鸡翼想必会谂起一间连锁米线店嘅风味鸡翼🙊呢度整个孜然都香口，鸡翼系单骨方便客人咀嚼，有心思👍🏼第一个主菜叫咗慢煮牛肋条配上海年糕，慢煮牛肋条比想像中口感实在，牛肉味香浓，crossover埋上海年糕好正😹年糕都做到上海菜嘅年糕咁烟韧。麻香海鲜扁意粉，员工话好多客人叫呢款，能够做到麻而不辣嘅意粉真系有番咁上下技术😳麻香味好正！海鲜都几新鲜呀。啡就饮得多，混合中式元素够吾够特别？桂花鲜奶咖啡令人饮到咖啡甘味同时又感受到桂花嘅清香，啡迷不可错过。「明知茉莉花最爱是椰子」～ 噏乜呀？唱紧某首歌？原来系餐厅自创饮品😆系茉莉花茶配以椰子奶盖，奶盖咸味配椰丝好好椰🥥茉莉花茶清新解腻。顺带一提，员工服务态度真系非常值得加许👍🏼👍🏼👍🏼👍🏼👍🏼为客人详细介绍每一道特色菜式，好让客人用餐时对食物有更深了解。