影片
更多
2019-09-18
225 浏览
西式日式放题相信大家就食得多，中式放题都系第一次，事原因为钟意食中菜嘅朋友介绍，所以贪得意就过咗嚟试吓。呢个中式放题依家系两个钟，点菜亦都系好似日式放题咁写纸仔落order。睇过Menu见到都有好多唔同嘅嘢食，我谂系海鲜、烧味、面饭同甜品都有，啱晒钟意一餐使好多唔同嘢食嘅人。极上佛跳墙上汤焗大虎虾伊面呢两个系跟放题送嘅，每人都有一份。佛跳墙好足料，汤头吸收晒所有材料嘅精华十分之鲜甜。虎虾伊面只虾大大只，亦都好新鲜，鲜味十足。脆皮烧腩仔 - 皮脆肉嫩，好食过好多烧味舖，仲有得任叫，正！石岐烧乳鸽 - 肉质弹牙，食多几只都得！胡麻酱肉松山水豆腐 - 豆腐滑得嚟豆味好香，配合埋麻酱同肉松非常好食。椒盐脆皮鸡翼 - 外皮炸到金黄松脆，值得一赞嘅入边嘅肉并冇炸到干晒，俾个like佢👍🏻芝士虾丸 - 虾丸够晒弹牙加埋酿入嘅芝士，好好味呀，好似食紧芝士龙虾咁。姜葱炒肉蟹 - 蟹肉够新鲜一啲都唔霉，炒完仲食到蟹嘅鲜甜味。北京片皮鸭 工作人员直接喺出边切俾你，鸭皮够晒脆，鸭肉亦都好入味，由于佢系冇得落order要出去攞，所以大家记住留意啦。堂煎铁板美国谷饲牛柳呢样亦都系冇得落order同埋工作人员即场烧
呢个中式放题依家系两个钟，点菜亦都系好似日式放题咁写纸仔落order。睇过Menu见到都有好多唔同嘅嘢食，我谂系海鲜、烧味、面饭同甜品都有，啱晒钟意一餐使好多唔同嘢食嘅人。
极上佛跳墙
上汤焗大虎虾伊面
呢两个系跟放题送嘅，每人都有一份。佛跳墙好足料，汤头吸收晒所有材料嘅精华十分之鲜甜。
虎虾伊面只虾大大只，亦都好新鲜，鲜味十足。
脆皮烧腩仔 - 皮脆肉嫩，好食过好多烧味舖，仲有得任叫，正！
石岐烧乳鸽 - 肉质弹牙，食多几只都得！
胡麻酱肉松山水豆腐 - 豆腐滑得嚟豆味好香，配合埋麻酱同肉松非常好食。
椒盐脆皮鸡翼 - 外皮炸到金黄松脆，值得一赞嘅入边嘅肉并冇炸到干晒，俾个like佢👍🏻
芝士虾丸 - 虾丸够晒弹牙加埋酿入嘅芝士，好好味呀，好似食紧芝士龙虾咁。
姜葱炒肉蟹 - 蟹肉够新鲜一啲都唔霉，炒完仲食到蟹嘅鲜甜味。
北京片皮鸭
工作人员直接喺出边切俾你，鸭皮够晒脆，鸭肉亦都好入味，由于佢系冇得落order要出去攞，所以大家记住留意啦。
堂煎铁板美国谷饲牛柳
呢样亦都系冇得落order同埋工作人员即场烧比你嘅，牛柳厚薄同肥瘦适中，每一啖都充满浓郁嘅牛肉味同油脂嘅香味,而且油而不腻，我一个人就食咗五碟😂
张贴
