影片
更多
2014-03-28
1490 浏览
夜晚同学仔周年晚饭，去返佢哋大围主场食好嘢，原来喺隆亨村嘅冬菇亭。去得冬菇亭都预咗环境卫生无咁好，嘢食都喺大路大排档或潮州嘢！不过原来依间《富记大排档》真喺好有特色！老板陈生非常风趣幽默，热情好客，经常自称靓仔陈，加埋佢招牌扫头发动作，真喺好搅笑！靓仔陈见我哋啱倾，介绍咗好多特色小炒俾我哋尝试，佢话每样𩠌试少少，但试多几样。而且最特色喺每个𩠌名，都特别搅笑！第一碟上枱喺靓仔陈主打嘅《富记齐齐鱼》，靓仔陈话依个𩠌可以用上唔同嘅鱼代替都可以，但秘诀喺条鱼香煎半熟，再落汤喺客人面前煮熟！食材新鲜紧喺卖点啦，但喺汤底味道浓郁都好紧要㖞，因为上枱煮熟，鱼嘅肉质特别鲜甜可口，非常嫩滑！道𩠌食到尾声嘅时候，靓仔陈仲送上一碗别出心裁嘅生菜俾我哋，落汤整熟嚟食！栋企排设嘅生菜，点都要影张相俾大家睇吓！关键仲喺后头，靓仔陈话食剩嘅鱼肉醉先喺精髓！果然好介绍，每粒小小肉醉都入哂浓汤嘅鲜味！其实食咗条鱼已经半饱，靓仔陈再送上主打《富记小炒皇》！《小炒皇》用料同出面嘅都差唔多，但胜在够哂镬气，食落干身，咸咸地，唔会太油腻。好好奇问咩叫《愤怒的鸡翼》，原来喺食完会令人有愤怒热烘烘感觉嘅香辣鸡翼！食材喺大码鸡翼，其
去得冬菇亭都预咗环境卫生无咁好，嘢食都喺大路大排档或潮州嘢！不过原来依间《富记大排档》真喺好有特色！
老板陈生非常风趣幽默，热情好客，经常自称靓仔陈，加埋佢招牌扫头发动作，真喺好搅笑！靓仔陈见我哋啱倾，介绍咗好多特色小炒俾我哋尝试，佢话每样𩠌试少少，但试多几样。而且最特色喺每个𩠌名，都特别搅笑！
第一碟上枱喺靓仔陈主打嘅《富记齐齐鱼》，靓仔陈话依个𩠌可以用上唔同嘅鱼代替都可以，但秘诀喺条鱼香煎半熟，再落汤喺客人面前煮熟！食材新鲜紧喺卖点啦，但喺汤底味道浓郁都好紧要㖞，因为上枱煮熟，鱼嘅肉质特别鲜甜可口，非常嫩滑！道𩠌食到尾声嘅时候，靓仔陈仲送上一碗别出心裁嘅生菜俾我哋，落汤整熟嚟食！栋企排设嘅生菜，点都要影张相俾大家睇吓！关键仲喺后头，靓仔陈话食剩嘅鱼肉醉先喺精髓！果然好介绍，每粒小小肉醉都入哂浓汤嘅鲜味！
其实食咗条鱼已经半饱，靓仔陈再送上主打《富记小炒皇》！《小炒皇》用料同出面嘅都差唔多，但胜在够哂镬气，食落干身，咸咸地，唔会太油腻。
好好奇问咩叫《愤怒的鸡翼》，原来喺食完会令人有愤怒热烘烘感觉嘅香辣鸡翼！食材喺大码鸡翼，其实真喺好太只！而已好有肉，加上靓仔陈秘方，每只鸡翼都好入味，肉质弹牙又香口！带少少香辣嘅味道，即刻有愤怒 mode！
再嚟主打《富记炸大肠》！其实大排档炸大肠，我都食过唔少，好多炸完都好淋唔脆，一系就有种臭味！富记嘅炸大肠外皮炸到香脆可口，非常干身又洗得干净！好食！
《富记烧乳鸭》，靓仔陈坚持我哋一定要用手撕嚟食！我个人觉得《烧乳鸭》又喺一绝，成日乳鸭烧到皮脆肉滑，唔油腻之余，又干身！可见师傅功架十足！
好多大排整《椒盐鲜鱿、煎鱼饼》都上一层厚厚嘅蛋浆，再落镬油炸。但富记整嘅同出面嘅唔同做法！蛋浆厚度啱啱好，食到鲜鱿鱼饼嘅弹牙！
又好好奇问咩叫《有点抱歉的蒸蛋》，靓仔陈即刻扮哂抱歉话：唔好意思，你食吓先！点解叫有点抱歉呢？原来蒸出嚟水蛋，有层光泽喺面，睇落令人联想到水汪汪嘅眼泪！所以喺《有点抱歉的蒸蛋》！虽然有啲抱歉，但食落绝对唔抱歉，仲好有派头！越简单嘅𩠌，越难煮得好食，简单厚厚嘅蒸水蛋，有种结实滑流嘅感觉！明显沟咗好少水！食落有种鲜甜味，开头以为落咗蒸鱼豉油，靓仔陈话喺原来喺调味料调整出嚟。
最后我叫咗《卤水拼盘》嚟吓，睇吓师傅嘅卤水汁！虽然无其他大排档嘅咁入味，但味道反而更适中，啱啱好！
最后，我个人觉得最有特色喺依只打斜酒杯，非常特别。富记大排档，值得推介！
张贴
