鯛魚湯專門店 (已結業)

每日返工搭巴士都经过呢间鲷鱼汤专门店，已经有想去试嘅冲动。见今日朋友接收工，就约埋一齐去试吓呢间餐厅。由于我都喺铜锣湾返工，由公司行过去都只系15分钟，好方便又易揾。上open rice 见食评都可以，我同朋友叫咗个5样嘢试吓。原板时令海胆汤饭 $138下面会有个火一直煲住个海胆汤饭，keep 住够热，好新鲜。第一次食热嘅海胆，感觉几特别，海胆鲜甜，份量都算多，无腥味。两个女仔 share 食都食唔晒。象拔贝鱼汤手打乌冬 $72象拔贝爽口，份量都有成7,8块，乌冬够滑，奶白色的鱼汤，入口好清。羊架黑椒 $48肉质够嫩，但羊味有少少 over 咗。原条鳗鱼汁烧 $68个人推荐烧鳗鱼，肉质够厚身，入口好香，食完好满足。用嚟𩠌汤饭系一个唔错嘅选择。饺子鸡翼 $38卖相几好，两只鸡翼都胀卜卜，鸡翼唔会太㶶，保持原有嘅质感。整体服务质素一般，餐厅环境算干净，埋单免加一服务费，上菜速度算快。