Le Rêveur at Flower Market

营业中

休息中

太子花园街买花就去得多，估唔到仲隐藏咗呢间新派嘅fusion法国菜，厨师嘅创新同破格绝对令你大开眼界！蛋黄酱蟹肉、青瓜金黄色嘅脆皮球好似薯片咁香脆，入面则酿满蟹肉蛋黄酱，蟹肉可以见到一丝丝，真材实料。剑鱼腩Tataki、牛油果蓉、盐渍西瓜、葵花籽第一次食盐渍西瓜，望落去好似吞拿鱼刺身，食落爽脆清甜，非常有趣。剑鱼腩用咗炙烧嘅做法，轻轻烧一烧表面，入面依然保持半生，非常鲜嫩。老干妈牛肉及防风草蓉挞一个意想不到嘅配搭，老干妈辣椒酱食得多，放喺个挞度真系第一次食，估唔到又几夹。老干妈独特嘅香同辣，令牛肉挞更加惹味同开胃。BB菠菜及风干蕃茄意式蛋饼意式蛋饼比我哋平时食开嘅更厚身，蛋味非常之香，而用咗BB菠菜亦更鲜嫩无渣。烤八爪鱼、富有柿、烤茄子蓉、青瓜八爪鱼非常烟韧，口感十足。富有柿亦系比较少用于煮食，够晒创新。茄子整成蓉，而青瓜则用咗直切嘅方式可以话系惊喜不断。鸡腿卷、墨鱼慕丝、红灯笼椒汁鸡腿卷非常之嫩滑！唔知系唔系用咗慢煮嘅方式。酱汁则以墨鱼同红灯笼椒所制，甜甜地同鸡肉好衬。今次拣左花茶~希望可以好训啲，解郁舒压 ！种类都有不少，大家可按自己喜好去选择。