蓋世堡

营业中

休息中

再一次相约好友门们睇波饮野, 撞啱师傅又冇咩野做, 于是决定早少少落黎坐下, 顺便食少少野啦; 本来谂住唔食架喇, 但一阵要饮酒, 所以都系食少少打底稳阵d!于是就睇下有咩好食啦, 一个人当然唔会叫太多啦, 于是谂左一阵就拣左样简简单单嘅食物, 就系五香肉丁餐肉公仔面, 等左一阵就有得食!先讲下卖相, 红红嘅汤底已经勾起师傅唔少食欲, 再睇真的都有两块餐肉, 先试下个汤底, 味道当然系好味精啦, 但咁样绝对正常, 食公仔面㖞, 有味精有咩咁出奇; 不过汤底配埋肉丁嘅辣汁又真系几正, 再食下肉丁发觉肉身够松, 绝对唔会实的的, 唔错, 可惜肉丁份量太少, 如果可以再多d就正喇; 餐肉本来就冇咩好讲, 不过呢度嘅餐肉就唔算好味, 食得出唔系猪仔牌, 甚至梅林牌都应该唔系, 味道唔好, 扣唔少分; 而公仔面就煮得几好, 冇过腍或过硬, 可以啦!总括黎讲呢度嘅食物质素喺酒吧黎讲算唔错, 绝对食得过, 廿八蚊个双拼公仔面, 都算抵食, 而且服务态度友善, 感觉真系唔错; 坦白讲黎得酒吧都唔会点样寄望佢地嘅食物好味得去边啦, 而呢度偏偏又算掂㖞, 问你服未? 所以就算喺劈酒前当食埋饭, 都系一个唔