影片
更多
2021-09-15
108 浏览
继上年刘一手倒闭后，今年九月再现九龙塘又一城，店门口仲贴咗张野声明系直营分店，同以往刘一手无关。钟意食辣嘅我，以往经常光顾刘一手，见再重开，梗系要过嚟试下喇！想坐得阔落啲，加上16号前喺openrice订位有无限鸭血，于是订咗张卡座，到店之后，明明仲有三张卡位，偏偏话有人订咗唔俾坐，一翻沟通之下先俾咗个角落卡位坐。因个FD唔食得辣，叫咗鸳鸯锅，麻辣+菌汤，锅底上到麻辣𠮶边系唔见有𠮶旧油砖嘅，话就话已经放咗，上到黎就已经捞咗下，一啲油砖嘅痕迹都无，ok，算，汤底滚咗成十分钟先开始上菜⋯慢都算，麻辣锅底系点嘅2辣，汤底完全唔香唔麻唔辣，同以往嘅刘一手差太远⋯以前麻油罐仲系每人一罐，依家系两个人一罐，仲由芝麻油变咗调和油，香味差一大截！至于菜品，268嘅牛肩夹心同198嘅牛小排，肉质都麻麻，无咩牛味其他牛肚牛丸牛柏叶猪腰等等，因为汤底差异，完全无味，极度失望⋯而且所谓嘅免费鸭血，成半个钟先肯上，期间催咗两三次！埋单仲计多百几蚊！食完半个钟仲肚痛，实属无下次！
钟意食辣嘅我，以往经常光顾刘一手，见再重开，梗系要过嚟试下喇！
想坐得阔落啲，加上16号前喺openrice订位有无限鸭血，于是订咗张卡座，到店之后，明明仲有三张卡位，偏偏话有人订咗唔俾坐，一翻沟通之下先俾咗个角落卡位坐。
因个FD唔食得辣，叫咗鸳鸯锅，麻辣+菌汤，锅底上到麻辣𠮶边系唔见有𠮶旧油砖嘅，话就话已经放咗，上到黎就已经捞咗下，一啲油砖嘅痕迹都无，ok，算，汤底滚咗成十分钟先开始上菜⋯
慢都算，麻辣锅底系点嘅2辣，汤底完全唔香唔麻唔辣，同以往嘅刘一手差太远⋯以前麻油罐仲系每人一罐，依家系两个人一罐，仲由芝麻油变咗调和油，香味差一大截！
至于菜品，268嘅牛肩夹心同198嘅牛小排，肉质都麻麻，无咩牛味其他牛肚牛丸牛柏叶猪腰等等，因为汤底差异，完全无味，极度失望⋯而且所谓嘅免费鸭血，成半个钟先肯上，期间催咗两三次！
埋单仲计多百几蚊！食完半个钟仲肚痛，实属无下次！
鸳鸯锅
3 浏览
0 赞好
0 留言
张贴
