滿樂潮州 (美麗華廣場1期) (已結業)

今晚潮菜饭局凑够四人，见见好耐无坐埋同台食饭既朋友同食下功夫潮菜。先黎杯功夫茶系常识。卤水鹅肉拼盘有鹅片、豆腐、墨鱼、猪腩肉同卤水蛋，鹅片虽合格但本身钟情鹅件，所以觉得肥瘦相间既猪腩肉先至系最好。潮菜汤水中既咸菜猪肚汤系最爱之一，煲到软嫩既猪肚十分吸引，汤既鲜味同胡椒既辛香系绝配。蟹黄脆皮海参伴柚皮卖相讨好，加埋表面微焦入面弹牙既海参同火喉十足食落无渣既柚皮真系冇得输。胡椒粉丝蟹煲一打开胡椒味扑面而来，蟹肉鲜甜加上胡椒味焗到入蟹身同粉丝，呢个菜式好快食晒。潮州蚝烙煎得金黄厚度平均，要煎而唔系炸先会咁薄身，加上香脆有蛋香蚝鲜，再黎呢碟都会encore。龙须子母中虾用左虾胶包住中虾而成，虾胶味浓但就无中虾口感，两样野走埋一齐就令虾味更浓口感更实在。糖醋伊面唔虽要花考而整到呢个咁香脆好食就得。反沙芋系香港愈黎愈少见，因为整呢味野都吃力不讨好！今晚呢个出品糖衣厚度虽唔算好平均，但入口热度、芋头粉既程度同糖衣跟芋件既黏合都不错。老牌菜式虽然唔系大热菜式，但功夫潮州菜自有佢系饮食市场存在同值得欣赏既价值。