西關粥品 (已結業)

自从睇杂志介绍西关仲有古早制法的粉仔（不是乌冬），又食过，证实系坚o既之后，我不时会抽起条筋入元朗整番碗。今日山长水远入天水围补习，我特登早啲出门，在元朗落车食返碗。照例一坐低就柯打，但叫完揭一揭餐牌，至知它又加咗价！我由18蚊食到而家30蚊！4年唔够，加价60%！ 加得你价，配菜确系多咗。呢度的粉仔不嬲都唔止有猪油渣，仲有叉烧丝、蛋丝、土鱿丝、冬菇、虾米、猪皮和鲮鱼饼条，加咗价之后，呢堆配菜的份量多咗，粉仔本身一样软软糯糯，其中杰杰哋的汤底更是灵魂，是我童年回忆的核心~但我想讲其实粉仔根本唔需要落咁多配料，唔需要整到咁豪华，你用落多啲料作为加价的补偿，我唔受啰~我记得小时候食小贩档粉仔，最正就是个汤，个汤底会一路keep住杰杰哋，唔会食到尾散晒、变水o既。研发好个汤底至加价，我就服啰，但依家就未必会再帮衬了~