Strokes (已結業)

以前提过一d电影（Happy Gilmore）中既美国人打迷你高尔夫球觉得好得意。我知道好流行。而家终于系香港有得试，自己唔识打觉得好新奇，打Hole in one 一大个圈既洞特别兴奋。我识打既朋友都觉得佢18个洞非常有挑战感。佢餐厅其实好鬼大，有两边。一边打波饮嘢，另外一边就食野所以就甘食唔玩都得。我其实觉得d嘢食好好味因为我超中意加州口味，可以试下佢野菜花burger，果个牛好juicy. 鱼tacos 都鲜味，mac and cheese 好鬼鬼佬。系加州，加拿大，澳洲食既嘢其实呢d系香港都好难揾到。佢d沙拉都系外国兴既，材料自己好难买。我老公就中意三文鱼poke bowl， red velvet churros有几条热辣辣开心Share。佢d饮品都有佢自己风格同心思。主要d杯好靓，可以影。gentleman tea cup 集杯用英式茶杯放鸡尾酒上层有泡泡。Moonzen手工啤酒既胡老玻璃杯又系得意。最主要佢地方装修影相都几靓，超级大，服务都几好，唔使同隔离逼，可以慢慢食，慢慢倾偈。佢餐牌选择都算多所以我会再去试下佢其他我上次冇食到既嘢。