影片
更多
2018-12-14
642 浏览
餐厅位于加州花园里面个商场，第一次去加州花园，人烟稀薄个程度真系好有外国feel，之但系条街无乜人，呢间餐廰竟然有过半嘅入座率，一入到去就见到个亲子corner，带小朋友嚟就啱哂。餐牌上面选择众多，令人花多眼乱，秋冬限定嘅腊味并盘竟然连腊鸭都有，确实唔系咁多餐廰食到。最终拣咗个四人餐，包四杯饮品或者白饭，好钟意佢个餐𠮶四个quota可以拣饮品或者白饭，平时啲四人餐包四个白饭实食唔哂，嘢饮又要另外嗌，大使餐馆呢度包两杯嘢饮，加两个白饭，一家人就啱啱好喇。鲜腐竹野菌豆腐煲，腐竹野菌汤底味道清甜，由于煲里面加咗新鲜腐竹同埋豆腐，连个汤底都带有淡淡嘅豆香，豆腐口感香滑，好想知道餐厅究竟用咗边度嚟嘅豆腐，个豆腐嘅滑溜程度同埋个豆味都比起其它餐厅高出几班，食完成个煲饮埋哂啲汤都无话口渴，睇嚟系绝对无加味精㗎。黄金炒虾球，黄金虾外层酥脆，有住好香浓嘅蛋黄味道，蛋黄并无被磨成粉碎，依然食到蛋黄碎粒嘅口感，虾肉爽口弹牙，令人满足。南乳粗斋煲，南乳味道强烈不过唔会太咸，喺甜竹嘅加持之下令个煲咸香得嚟带有微甜，系一个好好𩠌饭嘅选择。埋单大约三百蚊，临尾每人仲有个绿豆沙送，但凡惠顾仲有免费泊车添，连泊车钱都悭
餐厅位于加州花园里面个商场，第一次去加州花园，人烟稀薄个程度真系好有外国feel，之但系条街无乜人，呢间餐廰竟然有过半嘅入座率，一入到去就见到个亲子corner，带小朋友嚟就啱哂。
餐牌上面选择众多，令人花多眼乱，秋冬限定嘅腊味并盘竟然连腊鸭都有，确实唔系咁多餐廰食到。
最终拣咗个四人餐，包四杯饮品或者白饭，好钟意佢个餐𠮶四个quota可以拣饮品或者白饭，平时啲四人餐包四个白饭实食唔哂，嘢饮又要另外嗌，大使餐馆呢度包两杯嘢饮，加两个白饭，一家人就啱啱好喇。
鲜腐竹野菌豆腐煲，腐竹野菌汤底味道清甜，由于煲里面加咗新鲜腐竹同埋豆腐，连个汤底都带有淡淡嘅豆香，豆腐口感香滑，好想知道餐厅究竟用咗边度嚟嘅豆腐，个豆腐嘅滑溜程度同埋个豆味都比起其它餐厅高出几班，食完成个煲饮埋哂啲汤都无话口渴，睇嚟系绝对无加味精㗎。
黄金炒虾球，黄金虾外层酥脆，有住好香浓嘅蛋黄味道，蛋黄并无被磨成粉碎，依然食到蛋黄碎粒嘅口感，虾肉爽口弹牙，令人满足。
南乳粗斋煲，南乳味道强烈不过唔会太咸，喺甜竹嘅加持之下令个煲咸香得嚟带有微甜，系一个好好𩠌饭嘅选择。
埋单大约三百蚊，临尾每人仲有个绿豆沙送，但凡惠顾仲有免费泊车添，连泊车钱都悭番，真系抵食。
张贴
