大使餐館

营业中

休息中

近期唔想煮飯，多左去呢間餐廳食，質素還可以，有正常茶餐廳水準餐廳環境寬敞舒適，空間感幾足，有小角落放玩具俾小朋友玩金銀蛋娃娃菜浸時蔬 $88娃娃菜幾新鮮，皮蛋粒和咸蛋粒都幾好，調味適中唔會太咸，雞湯幾香濃咖喱牛腩煲$108老公話好鐘意呢度啲咖哩，撈飯一流，牛腩煲都算幾足料，有好多粒，粒粒炆得夠軟腍，入口啖啖肉菠蘿生炒骨$98雖然調味唔錯，但份量略微少，生炒骨炸粉也偏厚，而且多骨，配菜嘅青紅椒好好味，夠新鮮爽脆綠苗白飯$13

唯一令我會選擇這間餐廳，是因為10年前住這個屋苑，疫情期間又想吃水煮魚。所以近年都會偶然地去吃一下。如果我不吃水煮魚，我和家人根本不會去了。但最近一次我不明為什麼，我們點每一個菜，那裏有位女服務員主管都要問我工人姐姐要不要吃什麼什麼什麼？我真的很奇怪，唉，我們經常是會帶工人姐姐一起吃飯，因為她已經工作了7,8年，每一次我們都有帶工人姐姐去，但今次我不明白為什麼不是問我們意見，而是不斷要問工人姐姐要吃什麼呢？第一，我家工人姐姐，無論我們去酒店餐廳任何一個地方，都會帶她一起去，就算是5星酒店自助餐過千元1位，工人姐姐同樣是座上客。第二，每個家庭都有他的家裏規矩，可以連續7,8年的，又可以帶出去吃飯的，肯定各方面待遇十分之優越，難道你想挖角嗎？但也不是這樣的吧。第三，因為可以連續7,8年工作，而又會帶在身邊的工人姐姐，肯定是訓練有素的，更不是你問她，她就回答你，因為她非常清楚什麼應該做，什麼不應該做，而且肯定她是喜歡這份工作，你明白嗎？

揸車去完南生圍附近，肚餓想快手搵間餐廳晚飯，就去咗就近位於加洲花園嘅大使餐館，今次係再次到訪，泊車有一個鐘頭免鐘。紅磚牆門口，餐廳環境寬敞，深啡色木裝修，襯鮮黃色同綠色牆身，有啲似外地唐人餐館嘅感覺，主打中式鑊氣小菜。◉粟米班塊 $118唔肯定係咪用石班塊嚟煮，不過脆漿薄身炸得脆，咬開魚肉厚身，肉質爽彈，粟米茨汁爽甜夠掛身，汁再多啲就更好。◉椒鹽骨 $98椒鹽味好香有鑊氣，椒鹽骨嚟講都算係啖啖肉，唔算多骨，豬扒厚身醃得入味，炸得唔乾身，咬開都有啲肉汁。◉燒鴨 (例牌) $98例牌嚟講份量都可以，皮唔脆，有少少騷味，水準一般。◉砵仔飯 $18用瓦缽仔蒸，餐廳提供豉油同豬油隨自己喜好整個豬油撈飯，可以兩個人share食。◉腐竹糖水飯後送糖水，唔太甜，正常水準。#大使餐館地址：元朗和生圍加州花園商場1樓129號舖

兩點幾入到呢間餐廳，估唔到仲有得食午餐，我就點咗最鍾意食嘅沙爹牛飯啦，嘩，好驚喜啊，碟頭飯黎講，真係好足料大份，大大盤沙嗲牛肉，一上枱已經好吸精味道方面，略微淡味，不過牛肉算彈牙，最欣賞係夠晒多汁多牛肉，撈飯食簡直係一流啊，白飯就軟身左少少，我個人鍾意食口感硬d嘅飯，但撈汁食都OK😉午餐價錢$5x 包一杯野飲，算合理啊環境方面，由於餐廳位置比較偏遠，加上係下午茶時段，所以無咩人，但就啱晒鍾意靜嘅我，差不多一個人包場咁食一個午餐，好開心，侍應服務態度好好

因為疫情，很久沒有幫襯大使餐館，年尾清假，相約舊同事再次光顧，老闆推介了三個餸給我們，椒鹽九肚魚，酥炸台山蠔，油浸筍殼魚，另外我哋揀咗淮山杞子螺頭瘦肉燉湯，薑汁炒芥蘭，欖角豬扒。首先講吓椒鹽九肚魚和酥炸台山蠔，鬆脆脆而薄，唔會感覺得好似其他餐廳，食咗厚厚嘅麵粉，九肚魚和蠔，熱辣辣，味道啱啱好，筍殼魚，外脆內軟，炸得魚肉唔會乾身，好嫩滑，燉湯，味道適中唔會過鹹，上枱仍然熱騰騰，薑汁芥蘭，芥蘭好甜好嫩，餐廳應該選擇食材時，有花心思選擇，最後欖角豬扒，味道可以，不過唔夠欖角味，有待餐廳改善，疫情後，餐廳環境感覺更加乾淨闊落，食物更勝從前，呢度唔限時，是朋友聚餐一個非常好嘅選擇地方，值得推介👍

裝修比較古舊，客人唔算多，不過地方尚算寬躺堂食三餸 1）义燒應該係番燒或番丁，D肉又老又亁，吃了幾舊已不能再吃 2）大蝦粉絲煲勁油 ，蝦又梅，似油浸粉絲 3）炒菜好D不過又係勁油服務方面：待應都有問為何食淨咁多，之後話會向廚房反映，可能每個人口味不同其實這個位置俾心機一定可以做得更好，奈何感覺得過且過，張價就貨！總括而言，十分不健康的一餐，感覺似去咗外國小鎮唐人餐館風味，價錢雖然不貴，但一定不會再貼錢買難受

大使餐館位於加州花園的大使餐館，甫入門口已經有個小朋友天地，適合一家大細黎食飯。小朋友有野玩，家長就可以透透氣。揀張近玩具地方嘅座位，可以睇實小朋友之餘，又可以安心食飯。餐廳環境唔算大，但足夠容納加州居民。飯餸款式唔多，幫襯開嘅熟客仔一黎就落得order。花雕藥材雞煲加唐生菜、油墨菜等等唔用種類嘅蔬菜同配料。好多餐廳已經冇得叫砵仔飯食，呢度反而好普遍，間中食下豬油撈飯哄下自己都開心嘅。既然有飯，想開胃少少就食左碟京都骨，都惹味。唔夠餸食嘅關係，再加多個沙嗲粉絲大蝦煲，濕濕地好易入口。鍾意食辣嘅話，不妨試試水煮魚，真係好辣下。食唔到太辣嘅，可以叫廚師輕手啲。

加州花園係老牌嘅大型獨立屋屋苑上星期去探剛生完bb既朋友難得地可以入到加州花園商場嘅餐廳食晚餐呢個加州花園商場有少少懷舊感覺呢一間《大使餐廳》位於商場1樓估唔到入面環境係咁寬敞而且亦非常光猛 仲有個細細嘅兒童遊戲corner方便一家大細嚟食飯講番呢度嘅食物 種類非常之廣由燒鴨到雞煲都有今次就選擇咗晚市優惠套餐248蚊就有齊3餸連飲品算係幾抵食而且食物質素一點都唔馬虎 拍得住酒家晚飯小菜種類有近百種 總有一款啱口味呢個鮮腐竹野菌豆腐煲係Green monday之選湯底清甜 豆腐嫩滑 菇菌方面除咗有鮮冬菇之外仲有秀珍菇我就最鍾意鮮腐竹 既有豆味 食落又夠滑溜另外呢一道欖角冰梅骨亦非常美味欖角嘅鹹香 配合埋蜜味加上肥瘦適中嘅排骨係肉食朋友嘅至愛最後黃金蝦球真係令人食唔停口先將蝦起殼 再加入鹹蛋黃同牛油黎炒鹹蛋黃嘅鹹香 令人垂涎三尺食落熱辣辣又脆卜卜令人又怕膽固醇 但又食唔停口雖然呢間餐廳地點唔算好方便但卻深得加州花園居民垂青質素好自然口碑好大家不妨試下啦

餐廳位於加州花園裏面個商場，第一次去加州花園，人煙稀薄個程度真係好有外國feel，之但係條街無乜人，呢間餐廰竟然有過半嘅入座率，一入到去就見到個親子corner，帶小朋友嚟就啱哂。餐牌上面選擇衆多，令人花多眼亂，秋冬限定嘅臘味併盤竟然連臘鴨都有，確實唔係咁多餐廰食到。最終揀咗個四人餐，包四杯飲品或者白飯，好鐘意佢個餐嗰四個quota可以揀飲品或者白飯，平時啲四人餐包四個白飯實食唔哂，嘢飲又要另外嗌，大使餐館呢度包兩杯嘢飲，加兩個白飯，一家人就啱啱好喇。鮮腐竹野菌豆腐煲，腐竹野菌湯底味道清甜，由於煲裏面加咗新鮮腐竹同埋豆腐，連個湯底都帶有淡淡嘅豆香，豆腐口感香滑，好想知道餐廳究竟用咗邊度嚟嘅豆腐，個豆腐嘅滑溜程度同埋個豆味都比起其它餐廳高出幾班，食完成個煲飲埋哂啲湯都無話口渴，睇嚟係絕對無加味精㗎。黃金炒蝦球，黃金蝦外層酥脆，有住好香濃嘅蛋黃味道，蛋黃並無被磨成粉碎，依然食到蛋黃碎粒嘅口感，蝦肉爽口彈牙，令人滿足。南乳粗齋煲，南乳味道強烈不過唔會太鹹，喺甜竹嘅加持之下令個煲鹹香得嚟帶有微甜，係一個好好餸飯嘅選擇。埋單大約三百蚊，臨尾每人仲有個綠豆沙送，但凡惠顧仲有免費泊車添，連泊車錢都慳

餐廳位於加州花園商場二樓, 自從幾年前第一次光顧後, 一星期總有一兩次到訪, 餐廳比電視劇中的場景更寬敞闊落,  清靜優雅, 還有供兒童玩樂的小火車區, 在香港實屬罕有, 食物味道中上, 選擇也多, $158兩餸連飯, 份量大大碟, 其中份量最大的是煲仔餸, 粉絲大蝦煲、金菇肥牛煲、魚香茄子煲等的煲物, 飯後送糖水, 還有免費泊車, 這麼好的食店只輸在位於地方偏遠人流不多的市郊.  這篇是因為見到難得的好餐廳被惡意中傷而寫, 或許因為地點偏遠, 餐廳曾經有在openrice 寫食評送叉燒的獎賞, 現在還有沒有這一項我不知道, 因為從沒想過要利用寫食評去拿取福利, 我在 google 也為這餐廳寫過沒獎賞的好評, 真心覺得這餐廳是好才去寫, 相信大部份的食客也一樣是為好而寫, 並不會為一碟叉燒而出賣自己, 因為慣常光顧, 所以沒有拍照 , 或許下次補回.

已經食過幾次晚飯， 喜歡地方大服務好，食物都唔錯。 仲有免費三個鐘泊車。 但下午茶時段沒有下午茶餐， 一個午餐由午市到晚市前,上次四點到來， 沒有選擇下食左個飯， 建議整D下午茶小食餐, 我會經常來幫襯的.

一行七人去食晚飯🥣，叫咗個四餸套餐➕一碟炒粉，好大碟，好扺食，又有免費泊車，地方又寬躺，服務又好，最欣賞係有個兒童遊戲區，小朋友可以去玩，大人就可以傾下偈，真係一個唔錯既地方。

好少入元朗，入開嚟換呔，順便探親戚，就小朋友喺屋企附近嘅大使餐館食晚飯。呢度有小朋友 corner, 叫咗餸可以玩住等食。叫咗親戚推介嘅南乳吊燒雞，生炒骨同叉燒，非常好味。再入元朗一定會再來❗

第一次黎到大使餐館，食品好吃，多種類，服務周到，環境舒適，職員10分有禮貌,價錢大眾化，燈光效果柔和，有我最喜歡的燒味，一食入口，溶化，外脆內暖，一定會再度光顧。

服務好！小菜美味，有矱氣，推介燒鵝，砵仔飯（用頭抽豉油加豬油）非常好味道，招牌义燒（肥廋適中），又有3小時免費泊車可以慢慢食地方又闊落舒適，還有可自攜海鮮加工，價錢又相宜！