影片
更多
2012-09-30
16 浏览
对上一次食CPK仲喺晌尖沙咀海运嘅分店，依家𠮶间分店都执咗，可想而知都喺几耐嘅事。一向对CPK嘅印象都几好，奈何几间分店，无论新店（Mikiki、PopCorn）、旧店（MegaBox、家乐坊）都唔喺小弟蒲开嘅地方，所以近几年都无帮衬过。机会卒之喺今晚嚟临，因为要去旺角登打士街好景拎团购货，所以，就约埋老婆嚟家乐坊嘅CPK食番餐。题外话丫，依家啲团购变咗好似促销咁，依次晌好景攞嘢，晌楼下窄窄嘅电梯大堂已经要排定队，一条非团购客，另一条就专俾团购客排，仲排到近商场正门口，上到间铺十足十信用卡换领中心，排队嘅人换乜都有！好彩预早嚟CPK排队，几鬼死多人呀，攞咗飞仔就晌附近打个转，老婆咁啱又有啲临时嘢要少少OT，攞咗位无几耐佢都嚟到。因为限时个半钟，所以如果佢太迟嚟都有啲麻烦架。闲话唔好讲，无晌公司食下午茶，所以依刻都几肚饿，快快手点嘢食先！枱上有个新推介：摩洛哥风味鸡肉沙律，好似几正，所以先点依个试试。近期老婆迷上牛油果，事缘佢有个同事去完旅行探亲，拎咗个「自家种」新鲜摘嘅牛油果俾佢，搞到佢好似发现新大陆咁。其实，个沙律已经有牛油果，跟手再点嘅又有牛油果：牛油果蛋卷；嚟CPK无乜理由唔叫薄
好彩预早嚟CPK排队，几鬼死多人呀，攞咗飞仔就晌附近打个转，老婆咁啱又有啲临时嘢要少少OT，攞咗位无几耐佢都嚟到。因为限时个半钟，所以如果佢太迟嚟都有啲麻烦架。
闲话唔好讲，无晌公司食下午茶，所以依刻都几肚饿，快快手点嘢食先！枱上有个新推介：摩洛哥风味鸡肉沙律，好似几正，所以先点依个试试。近期老婆迷上牛油果，事缘佢有个同事去完旅行探亲，拎咗个「自家种」新鲜摘嘅牛油果俾佢，搞到佢好似发现新大陆咁。其实，个沙律已经有牛油果，跟手再点嘅又有牛油果：牛油果蛋卷；嚟CPK无乜理由唔叫薄饼，所以就加多一客香辣海鲜薄饼，查实咁嘅分量三个人都够食，结果就半碟薄饼打包拎走当听日早餐，哈哈！
摩洛哥风味鸡肉沙律（Moroccan Chicken Salad）任份$132、半份$82图中为半份，两个人已经好够食，基本上3-4人分享都无问题。成份晌枱上推介单张都已经写晒，等小弟就照抄一次俾大家知吓：香辣鸡胸片、新鲜爽脆罗马生菜、烤焗南瓜、枣、新鲜牛油果、可口杏仁、红菜头、鸡蛋、甘笋、红梅干、甜椒、秘制蜂蜜芥末油醋汁。以材料而言，著实非常之丰富，味道又如何？食落俾人第一个感觉喺几清新，只蜂蜜芥末油醋汁味道甜甜酸酸，几醒胃，其实依款汁我哋两个都有啲偏爱，就正如去Subway最常拣佢只蜜糖芥辣酱；因为材料甚多，有软有硬，有爽有腍，有甜有酸，口感好复杂但又唔会觉得好纷乱，加上部分食材平时都少晌沙律中食到，如枣、牛油果、红梅干，感觉几新鲜特别，所以我哋都几欣赏依个沙律。
牛油果蛋卷（Avocado Club Egg Rolls）$62属于前菜类，听个名好似好古怪，似一道甜品多过喺一道前菜，其实简单啲讲，就喺一味鬼佬炸春卷。以大块嘅云吞皮包住新鲜牛油果、鸡肉、蕃茄、蒙特利芝士、果木熏烟肉，做成大条春卷形再脆炸，斜切一开二，再伴上秘制田园酱汁同香草沙律酱嚟上碟。依个算得上喺中西合壁嘅菜式，不过新意唔算好多，内馅无咩太大惊喜，最失望喺个春卷皮唔够脆，反而最突出喺啲酱汁，尤其个香草沙律酱，甚有个性。
香辣海鲜薄饼（Spicy Seafood）$132薄饼都有分厚薄，不过就唔喺话任何一款薄饼可以拣厚批定薄批，而喺厚批有一系列款式，薄批又有另一系列款式，就正如小弟拣依个香辣海鲜，就属于薄底薄饼，批底以薄脆为卖点。而薄底薄饼一共有8款选择，啲食材同酱汁嘅配搭都几特别。老实讲，批底薄就够薄，不过脆就仲喺差少少，但喺材料落得十足，蚬仔肉、虾、鱿鱼圈铺满批面，加埋秘制惹味蕃茄酱、红辣椒干碎、水牛芝士mozzarella，好正，因为足料，海鲜馅颇鲜味，蕃茄酱、芝士味道互相比拼角力，几惹味，但要顺带一提，啲红辣椒干碎引出嚟嘅辣味都几辣吓！
既然薄饼都要打包拎走，甜品更加免问，犹记得当年一道「朱古力香蕉蛋糕」非常美味，依家唔见依道甜品，不过几款甜品中，青柠忌廉批几得我心，下次有机会一定要试试！张贴
