呂錦記手撕雞專門店 (筲箕灣道)

营业中

休息中

呢日同阿仔去西湾河文娱中心，听儿童音乐剧，路过见到呢间手撕鸡店，一向无鸡不欢嘅佢，话要买返去同爸爸妹妹食，我哋一于就去试吓。入到呢间店舖，铺面干净企理。见到写住无激素、无味精、零添加，阿妈我就安心买俾小朋友食了，好过食炸鸡。😅不过原来手撕鸡都有好多选择，阿妈我都拣咗一阵先拣到。怀旧原味手撕鸡分量好充足嘅手撕鸡，帮你撕埋一丝丝嘅鸡肉好窝心。呢款手撕鸡系冷食，鸡肉爽脆，无乜太多调味料，食到清清淡淡嘅咸味，鸡味反而浓郁，令你越食越想食。古法虫草花水晶鸡呢个系阿妈我嘅养生之选。外卖我哋拎返屋企都要一段时间，估唔到拎到返屋企仲系暖嘅。一打开锡纸，香气四溢，底部有好多虫草花。只鸡鸡肉嫩滑，一撕就开，食落原汁原味，鸡味超浓，加埋虫草花，简直系健康美味之选。