金御海鮮酒家 (皇后大道中)

营业中

休息中

一个肉丝炒面，令到我几年都冇黎呢一间酒楼饮茶，今日行到呢度，俾个机会佢啦!酒楼装修过，光猛过以前，都算开扬。好想食烧鹅，就嗌咗个鹅至叻套餐菜心冇苦味，都尚算脆绿。烧鹅真系有半只㖞! 而且有热的感觉，啲肉都唔韧，有烧鹅的香味，有啲酒楼够胆死搭够俾你，即大部份雪藏搭几旧新鲜鹅。 呢点值得赞: 呢间冇咁做，真系同一只鹅嚟! 濑粉系幼身𠮶只，口感爽滑。金御鲜虾饺我唔系想讲只虾有几大只，而系想话佢𠮶个皮都未夹已经散咗喇! 呢度真系要注意下。 不过虾系弹牙，个皮都唔系腍。鲜虾春卷个皮炸得好脆，材料好丰富。蛋黄流沙包个面包软滑，系师傅做，入面真系有流沙和有一粒粒细细粒的蛋黄粒，唔会只得甜味。不过服务费要加12%， 再嚟饮茶要谂谂先。