Cafe Polanka

营业中

休息中

早几个月黎过食铁板都ok, 所以琴晚再去食下其他野。话说琴晚叫左个茄汁鸡扒焗意粉同一杯热柠蜜，我原本以为要等十五至二十分钟，点知柠蜜黎左无耐焗意粉就到，我满心欢喜因为咁快有得食同个意粉仲渣渣声，证明个意粉系新鲜焗起架啦，好开心，我叉落个意粉到转两转，拉起之后吹吹，放落口，正呀热辣辣，但有阵怪怪的味道，个质地又咁软咁林，好啦我再捞捞佢，等有多啲茄汁啦，点知都系咁。我再认真望下个意粉，就火火地，佢用咩意粉呀？佢用铁板一般会问你跟饭跟意粉定薯菜个啲意粉呀！我真心嬲，我比77蚊同个扒餐差不多既价钱，你竟然用一早整好捞左怪味茄汁既意粉黎做我个意粉底。失望，真心失望，我放底无食就叫埋单，个侍应仲用个奇怪我食咁少就停既声音”噢”一声。感觉我今晚用左$77蚊饮左杯热柠蜜。