萬鎔少館 (已結業)

前排太闷碌碌下优惠订购平台见到个午市点心放题优惠 (1.5小时)见佢$150左右一位咪去试下 点知原来系大伏！首先 佢本身kkday话一点至四点上去都可以食，点知佢原来悭咗1:30就要开始-_- 本来系俾安格斯和牛捞粗吸引左 点知去到menu变咗肥牛捞粗。。。已经觉得好似俾人呃咗上去咁其他点心上菜嘅时候都系冻冰冰，尤其是系个炒饭，唔讲以为食紧冷饭 佢包嘅灌汤饺啲鸡系霉嘅 个灌汤饺一不起就散晒，个汤仲要系冻嘅添嘢食唔好食都算，成餐饭上菜好慢，好似专登嘥紧我哋时间咁，个呀姐服务差到好恶劣，我起码唔该前唔该后咁样问佢嘢佢完全系黑面唔答我，上菜嘅时候大大力摆只碟上枱，唔知系咪前世得罪佢咁！到最后埋单嘅时候要收茶介钱，$38一位谂住可以比八达通啦，点知佢死都净系收现金一句讲晒，下次佢免费我都唔会再上去食！