沙田友冰室 (已搬遷) 新店位置

呢间野越来越衰。帮衬过几次堂食都唔系话特别好食。今次叫外卖 真系差到一个点 忍唔住要写个劣评。叫咗个鸡扒脆猪包。佢系白烚鸡扒加餐包 乜嘢味都冇 鸡扒鞋飒飒 猪仔包变咗餐包 中间做咩酱料都冇。$41蚊食咗啲乜野？另外叫咗星洲炒米 完全冇镬气冇咖喱味 米粉系用𠮶啲cheap嘅汤米粉 又系劣食。跟餐叫咗两杯冻柠茶 一杯走甜一杯少甜 两杯都系超甜 完全系无视客人嘅简单要求。做茶记做到咁求其 不如唔好做收银个女人超冇礼貌 收咗$100 （我要俾$104）但揾唔到$4散纸 我就俾多张$500纸佢 佢竟然问我俾咗钱未 我3秒之前先俾咗$100佢 跟手佢找返$396俾我 我话你找少咗$100 扰攘咗一阵先至肯俾返我 痴晒线 总之一句 呢间嘢冇下次 名过于实 咁嘅环境用咁嘅质素咁嘅服务态度想生存 悭啲啦 成个石门冇晒嘢食我都唔会帮衬佢。