意日菜 (已結業)

礼拜六无节目，一枝公开餐，由屋企行落女人街巷仔开餐都不过系20分路程。巷仔两侧既食店愈执愈多，买少见少，行经呢间铺门外，见啲食物照颇吸引而价钱相宜，就咁飘左入去。6点半左右，店坐满七成，餐牌好多选择有石头锅饭、铁板乌冬、拉面等。点餐跟特饮可以半价，好多台式特饮拣，加都系9蚊。选左个烧汁牛肉石头锅饭同柠檬红茶。等左5分钟，食品好快上枱。有餐汤送，拣左罗宋汤，味淡如水，似茄膏加水煮开一大煲，不过既然系随餐送的，就不要求太多了。个石头锅饭上枱超热辣辣，出晒烟，表面配菜好多，有几旧仔薄切牛肉、红罗白、泡菜、青瓜，但说好的烧汁却少之又少。食石锅饭搅拌黎食是常识吧，一搅匀食入口，啲饭好似未熟透哂，约7至8成熟既糊状，而唔系一粒粒，粒状既饭粒，味道不过不失，食左一半就呜金收兵，真系只胜在价钱相宜。呢杯柠檬红茶真系酸到盲公开眼，罗我命3000千，差点胃都那穿既程度。总的来说，胜在价钱相宜无加一，埋单才60蚊都唔使，唔知系老纳我点错餐，定系厨房大哥因为客多赶住出菜所以饭未煮熟就上，真系加啲水就系饭浆喇喂，呢殊实在系不可一不可再耶。