意日菜 (已結業)

咁同朋友去開旺角嗰邊上堂，上堂之前就喺女人街嗰邊搵吓有啲咩嘢食，行過見到呢間門口好似幾平咁就入咗去。我嗰日佢係下午茶時間嚟嘅大概5:00左右，咁我同朋友一個就叫咗鐵板牛肉烏冬，同埋雞肉石鍋拌飯，嘢飲就嗌左杯水蜜桃乳酸同埋胚芽珍珠奶茶。就味道方面去評分嘅話呢，依間嘢食嘅食物水平係一般之下，個人覺得半飯嘅醬汁係十分重要但係佢而家嘅醬汁就比得好少，另外佢杯胚芽珍珠奶茶，啲胚芽有過期嘅益未。佢嘅份量係算OK嘅如果以咁嘅價錢來講，但係如果以未到你講只能說一分錢一分貨，如果糧尾嘅朋友喺附近返工可以試吓嘅。

Little Fusio頭盔：嗰日胃口唔太好😅 之前食過幾中意。不過今次小失望🤏餐湯：一紅一白。羅宋湯深紅色到似黑色，鹹味似乎遮蓋晒其他嘢，忌廉湯就似係白汁龍利柳果種嘅忌廉味😅 又偏稀。兩碗湯都係飲到一半就飲唔到落去。酥皮鵝肝牛柳黑椒汁（鵝肝加大）牛柳煎到幾好食～即使咁厚（2-3cm🤔)，但係裏面都能夠熟透，而且有一定嘅肉汁👍🏻 鵝肝亦都有正常發揮。酥皮雖然係一早整定哂，但都好脆～分量大到呢、其實應該一個人係食唔晒😂 薯菜：一定唔係即叫即炸嘅，食落去唔脆，而且裏面接近室溫了。黑椒汁羊🐑架：味道、肉質都好食😋 不過有少少酥味，未必人人中意。下次食建議黑椒汁另上或走汁，應該食羊架本身嘅肉味🧐黑松露意粉：太結垃垃，當黑椒汁與松露醬混合，味道就唔太夾。不過我FD接受到🤷🏻‍♂️😂 我覺得太濃稠、漿住個口。甜品：牛奶布甸。忌廉和牛奶都幾平衡，唔會太甜👍🏻 幾中意

接左阿仔放學難得冇功課做就諗住出去麥花臣玩下..經過哩間就入去食門口大玻璃趟門有d污糟坐低時檯同餐牌都系痴立立既不過為左快就唔理照嗌啦2個石頭鍋飯…味道唔錯既賣相都唔差(不過冇影到相)一來趕時間 二來想快d離開哩個地方有餐湯跟埋.餐飲就跟熱飲飲品半價,換句話凍飲最平加$9講返個menu都多選擇既如果唔系咁污糟都想試下其他野食不過見好多人都系嗌石頭鍋飯黎哩度雖然唔系食服務但系都要一提既系態度真系唔多有善

首先想講我係喺夜晚食飯時間幫襯，間餐廳得一台客，職員嘅服務態度都好一般，甚至可以講冇服務，點餐係坐係個位度大叫Number，如果可以係呢方面改善下，我相信會好好多。而且點過幾份小食都冇貨，食物嘅質素只可以能夠講不過不失，普通餐廳都食得到，不過價錢唔算貴，幾十蚊都有一份小食，但普遍食物嘅份量都不多，飲品方面類似台式飲品，如果唔太肚餓，又想搵個地方坐下，食啲輕食，傾吓計，可以選擇，但真係唔好期望太大😓

因為在旺角女人街附近逛街剛好有點肚餓便隨便找間食肆看到櫥窗貼滿不同種類口味午餐姑且入去一試店內環境不太寬敞座位都顯得較窄整潔度不高,只可以算是勉強接受點了兩款午餐,包餐湯,羅宋湯味道不過不失另加8元可多兩隻雞翼就一般煎炸雞翼可當小吃黑椒西冷牛扒只需43元如此便宜當然不會抱有太大驚喜亦都算是可接受忌廉汁海鮮長通粉40元個汁我認為OK的此店未知是否懶得洗杯, 竟是用塑膠杯裝餐飲這就不太環保了結論是.....此店款式種類眾多但是只限醫肚之選

呢間意日菜畀個like佢畀223蚊就食到九樣嘢❤️❤️❤️嗰日食咗....... 牛柳粒炒年糕豬頸肉石頭飯炸吉列蝦香蒜片炸蝦餅兩個西湯百香果蘆薈茶仲有荔枝沙冰真心想講呢間餐廳嘅牛柳粒入口即溶好食！！！年糕炒得啱啱好唔會太林唔會太晏 good豬頸肉石頭飯石頭好熱啲飯焦好好食炸蝦同埋炸蝦餅兩個都超級有蝦味個蝦餅仲有一隻蝦喺入面, 好有驚喜嘢飲同湯都正正常常重點係上菜好快餓鬼們如果唔等得呢間係一定最好嘅選擇❤️❤️❤️大家有時間可以去食喎意日菜地址 : 旺角通菜街36號地舖 (港鐵旺角站 B3 出口)

這間意日菜吃過好幾次，也都好像轉過手幾次了，主要是閒日來的話基本不用等，人流算少重點是價錢便宜，一個餐60幾元包餐湯＋飲品★★★鰻魚拉麵鬼王湯底叫大辣真的能給到大辣的辣度，湯底的顏色也紅通通的夠吸引鰻魚吃起來也沒什麼骨，不過不太暖，也有少許硬身湯麵中的蛋也是全熟蛋雖不能和正式的拉麵相提並論，尚且也是味道和份量都足夠的一碗麵吧★★★牛肉石頭鍋飯牛肉石頭鍋飯上枱能保持到溫度，有少許飯焦牛肉是比較硬身的牛肉，有蛋撈勻一起吃感覺就好一點，差不多吧算是普普通通★★★蜜糖雞翼蜜糖雞翼，夠入味juicy，不油膩★鐵板豬手鐵板豬手則頗為強差人意了，不算熱，很小一隻而且都是筋多過肉，肉質也太乾身很難咬配菜也是很明顯沒有料理過的灼熟了便放在旁數條薯菜也凍冰冰的軟淋淋的實在說不上是好吃跟餐有紅湯/白湯+飲品，特飲半價兩樣都是普普通通味道很淡點了總共３set，埋單$2xx左右，價錢來說算是很相宜的不過便宜還便宜，如果想留客質素亦需保持吧便宜的套餐，左右兩旁那麼多餐廳還是大有選擇的意日菜Little Fusion整體評分★★★地理環境★★★服務★★★食物★★★價格＄＄

意日菜係性價比幾高嘅一間餐廳，食左3款主食，1款小食，2杯野飲先2百幾蚊埋單，仲要份量足食物素質都幾好。照燒牛肉烏冬(加芝士湯底) $49+$9牛肉又大又大塊，咬落唔韌，爆多香濃芝士汁，因為秘製湯底分開上，當芝士撈麵或淋湯食都得鐵板海鮮炒飯 $52日式燒汁炒好夠味，有青口、蟹柳、魷魚圈等等，非常豐富蒜蓉汁什扒薯菜 $65大大塊雞扒同豬扒，仲有腸同太陽蛋，大件抵食，薯條都炸得好香脆燒汁魷魚筒 $38彈牙又夠鮮味，自己加左七味粉上去辣辣地仲正玫瑰檸檬梳打 $28荔枝梳打 $28唔算太甜都幾清新，解渴一流

三號風球的晚上，風大雨大，在旺角，只想找個地方，快快吃完晚飯回家。在這種狀態下，我和老公衝了入「意日菜」的門口。打開餐牌，食物以日本口味為主，有拉麵，石鍋飯和一些日式居酒屋小食，也有焗飯和鐵板扒餐的選擇，配合fusion的主題。既然餐牌封面也標榜自己是「東京芝士拉麵專門店」，當然要試試。我揀了帆立貝芝士拉麵，沾上了芝士醬的拉麵十分香滑，芝士的濃度恰到好處，不會覺得膩滯。果然為日本的拉麵帶來一點意大利粉的感覺。配料的帆立貝雖然看上去有點小，但是有鮮味，像吃濕潤版的帶子乾。以$54的價位 （加了$9芝士醬），已不能挑剔了。老公要了蒲燒鰻魚石鍋飯。端上時吱吱聲的熱度十足，才$59，原條（沒錯，是原條！）肥美肉厚的鰻魚比石鍋的直徑還要長，其他的配料也絕不欺場，堆滿整個石鍋。鰻魚一口咬下去，肉質有彈性又燒得夠香。這個質素，實在超值。不能不提，主食其實還附送熱飲，升級特飲半價就可以。我的玫瑰花蜜和老公的凍蜂蜜綠茶都不錯喝，值得試試一般餐茶以外的選擇。另外我們還叫了三款小食。芝士焗西蘭花是健康和邪惡的fusion. 口感不硬但依然保持翠綠的顔色。櫻花蝦餅有櫻花蝦提升蝦餅的香味，炸過外皮脆脆的，ok好

呢間係女人街兩旁既小店，門面望落唔算起眼，見佢價錢都幾平就照入去試試～店內裝修都舊舊地，咁啱坐正張梳化仲要裂開晒..... 坐得唔舒服感覺就有D扣分啦！食物方面，今次叫左炭燒豬頸肉石鍋飯($51) 豬頸肉味道還可以，配料擺得好滿，但係男友表示r晒頭，話唔知原來中華沙律可以熱食😅😅 石鍋飯好夠熱但都食得出D飯煮時加得太多水黑椒汁紐西蘭西泠扒配薯條($57) 一路比menu第一個鐵板豬手fake左，以為呢個西冷扒都係鐵板上(失望左)，西冷食落好普通，完全係厚版大家樂早餐果塊牛排......(又再失望左)另外仲叫左兩款小食，照燒鰻魚($49) 同蒜香蜜糖雞中翼($29)開初點餐見到呢個價錢，諗住塊鰻魚會有番咁上下size，點知得我手掌咁大～Anyway 雞翼幾好味～飯麵類既套餐都有送餐湯(拉麵除外)&熱飲1杯忌廉湯，落無咩味......餐飲可以半價轉其他飲品，我地叫左草莓乳酸&芒果沙冰草莓乳酸得個甜味，感覺唔似飲緊乳酸，芒果沙冰飲落唔太甜但就無咩芒果味......整體黎講，呢間餐廳比我感覺只係便宜取勝，50零蚊一個餐(雖然旺角應該都揾到其他平野食)，但係食物質素真係有待改善啊～

好抵食嘅旺角餐廳👏🏻吉列豬扒芝士烏冬豬扒炸得酥脆，鐘意🧀嘅朋友一定要加配芝士濃湯底呀👅芝士漿極多且香😋清湯是额外裝的，方便按喜好調配濃度👍👍小食叫咗煙肉芝士白汁焗帯子皇～嘩好大隻，上面仲舖滿芝士同煙肉🤤仲有薯泥底👏🏻芝士焗西蘭花🥦面頭嘅芝士焗得好香，濃郁芝士同西蘭花簡直係絕配😍 汁燒魷魚筒🦑甜甜的醬汁搭配爽口的魷魚，日味濃厚👍見到有下午茶優惠；鐡板黑椒牛肉炒烏冬、焗葡國雞意粉咁平仲有飲品送，忍唔住叫兩份試一試。黑椒味好足，鐵板上絕對熱辣辣👍葡汁夠香又滑，雞肉嫩😋平！平！平！

旺角的大街小巷都有好多不同類型的餐廳雖然Fusion菜在香港好普遍但意大利菜crossover日本菜就比較少見（重點是價錢極親民！💁🏻‍♀️💕）坐位有不少都是茶餐廳式卡位而且不會限時 可以同朋友吹水傾耐少少都得～唔洗驚講到好開心又俾人趕走🙈.🐟鰻魚炒烏冬 $59好想重點推介一下因為實在太驚人地抵食😂我同其中一個朋友都點了這個熱辣辣的鐵板上面有炒香的烏冬加上原條！是原條鰻魚都只是$59！CP值極高⭐️⭐️⭐️⭐️⭐️而且跟餐仲送紅/白湯+熱飲！我叫了羅宋湯+熱柚子蜜～所以乾脆飲品是不用加錢🤭.🍟黑椒汁西冷配薯條 $57另一抵食之選～牛扒好大件又不會韌薯條又夠脆～好正同樣跟餐仲送紅/白湯+熱飲但朋友點了涷美祿因為跟餐所以半價加了$9好似又更Fusion了😂.🍜豬軟骨拉麵（轉芝士湯底）$58朋友說湯底加上粟米清新爽口都忍不住飲了幾啖湯.🥠蟹肉薯餅 $24雖然不特別有蟹味但薯餅幾creamy 而且夠脆卜卜～～.意日菜📍旺角通菜街36號地舖 (港鐵旺角站 E2 出口)

我好鍾意去女人街搵食，因為好多時都會搵到啲意想不到嘅驚喜😆.今次就發掘到一間叫意日菜 嘅餐廳，餐廳食物種類好多，有小食、意式焗飯、日式拉麵等等。.以下係我地叫左嘅嘢食:1) 叉燒拉麵 ($47)咁嘅價錢就唔好追求啲好高質素嘅拉麵啦🙈不過，以平價拉麵黎講都算👌🏻2) 焗雞皇芝士腸飯 ($49)調味幾好，份量大，芝士腸同雞肉都好多，唯獨係雞肉肉質唔夠嫩。3) 鰻魚 ($49)、蟹肉薯餅 ($24)、蜜糖雞翼 ($29) 味道正正常常，最推薦雞翼。餐廳定價唔貴，食物質素都算幾好，份量又算大份，性價比高👍🏻我同男朋友因爲太貪心，叫左好多小食，最後食到捧住個肚走🤣

今日下午茶嘅時段黎到女人街 女人街真係好多食肆呀價錢都相宜嘅 但質素一般嘅今日黎到食下午茶 求其入一間食啦咁就入咗呢間叫意日菜嘅下午茶價錢幾平呀都算$30幾蚊有個飯食意式芝士雞扒配薯條 $35呢個叫意式芝士雞扒上面有堆茄汁 但溝埋啲芝士到好古怪搞到 唔明點解要淋啲茄汁上去雞扒一般般 冇乜特別 薯條ok嘅加多塊魚柳 配薯條感覺都ok嘅呢個冇自已淋咗啲茄汁上去啦 自己點味道ok嘅 兩杯餐飲味道一般整體係一般啦但下午茶時間黎講 價錢算抵食嘅

嬲到第一次寫食評，真係多謝嗮！當時趕時間，隨便搵左間野食，一坐落來，就發現環境超污糟！地墊十年冇換，開鋪以來從未清潔面膜，一D都唔誇張！另外，D野超難食，個照燒雞肉石鍋飯甜到真係阿媽都唔認得！杯芒果紅茶麻麻地，冇特別，唔算特別難飲！最精彩就係，食緊飯嗰時，有只甲甴喺張檯出現，真係想嘔！又注意到佢地D餐具都係放喺檯面上，我就覺得D餐具十有八九…，大家都明啦，唔使多講！嘔心到食唔落頸！食物是否衛生亦十分難講！唔會有下次，但我會介紹俾我最憎嗰個人來食😊