影片
更多
2011-08-30
412 浏览
妈咪同ＸＯ仔都系香槟粉丝，所以年头uncle专登请我地一家黎食有香槟任饮既自助餐，重要成个几月前订定位架，真系好有我地心！上去十八楼必先喺十七楼行一层楼梯，所以虽然香槟系任饮，小弟劝大家都系唔好太搏命，以免走时醉醺醺，叉错脚。上完楼梯，经过一条长长既走廊，终于到达餐厅既正门。地方好阔落，座位都好舒服，所有望倒窗既位置都可以欣赏到香港既靓景。室内其中一个问题系气温比较暖，空气变得唔够流通，冬天食buffet食到出汗都系第一次。 沙律同头盘都系任食既。可以话比大家听，沙律吧𠮶Ｄ蔬菜比一杯杯𠮶Ｄ虾沙律同龙虾沙律新鲜得多。 所有蚝都系即叫即开，生食熟食都可以同侍应讲声，唔需要企喺度等，自然会有人安排送到埋枱。不过建议大家续款叫，唔系佢地会一次过攞哂黎，传𩠌同食客好多时都分辨唔倒边款打边款。讲真生食蚝，小弟比较钟意涷Ｄ，不过好奇怪，依度既生蚝虽然有冰阵住，但系入口系暖暖地，唔知系咪同室温有关呢？另一个问题系入面重有蚝壳。所以为安全起见，食完一轮生既，ＸＯ仔都转哂食熟蚝。三款蚝有三种煮法，每样都系热辣辣，半生熟既口感都好啱我口味。 鱼生唔系卖点，卖相又唔系好得，所以都系每样试左件。三文鱼最好味，甜
上去十八楼必先喺十七楼行一层楼梯，所以虽然香槟系任饮，小弟劝大家都系唔好太搏命，以免走时醉醺醺，叉错脚。上完楼梯，经过一条长长既走廊，终于到达餐厅既正门。地方好阔落，座位都好舒服，所有望倒窗既位置都可以欣赏到香港既靓景。室内其中一个问题系气温比较暖，空气变得唔够流通，冬天食buffet食到出汗都系第一次。
沙律同头盘都系任食既。可以话比大家听，沙律吧𠮶Ｄ蔬菜比一杯杯𠮶Ｄ虾沙律同龙虾沙律新鲜得多。
所有蚝都系即叫即开，生食熟食都可以同侍应讲声，唔需要企喺度等，自然会有人安排送到埋枱。不过建议大家续款叫，唔系佢地会一次过攞哂黎，传𩠌同食客好多时都分辨唔倒边款打边款。讲真生食蚝，小弟比较钟意涷Ｄ，不过好奇怪，依度既生蚝虽然有冰阵住，但系入口系暖暖地，唔知系咪同室温有关呢？另一个问题系入面重有蚝壳。所以为安全起见，食完一轮生既，ＸＯ仔都转哂食熟蚝。三款蚝有三种煮法，每样都系热辣辣，半生熟既口感都好啱我口味。
鱼生唔系卖点，卖相又唔系好得，所以都系每样试左件。三文鱼最好味，甜虾都ok，其他就...。
Lobster Bisque：龙虾汤系要叫先会上，埋枱先会淋热汤上个盛有鲜虾云吞既汤碗入面，好睇得。个汤够热，不过就咸左少少；碗内既云吞涷左Ｄ，胜在甜甜既味道救返分。
主菜每人只可以叫一样。
妈咪好满意拣左个鱼，因为鱼本身够油份，所以Ｄ肉好嫩滑，只系个皮稍为韧。
Uncle选择左个冇乜味既牛。
ＸＯ就食左份非常之唔掂既龙虾，又涷又韧又咸，失望到极点！
甜品吧既甜品种类中规中矩啦；其中以芒果慕丝叫做好食D。个心太软因为太厚同太硬，所以扣哂分。
除左甜品吧，每人都可以叫个迷你souffle，即叫即焗，味道普通过普通，不吃也吧！
当日既食物质素唔好多过好，而且食完返屋企唔够一个钟头自己开始肚泻，怀疑系生食既沙律或生蚝出事。所以虽然今次有人请食buffet，重可以畅饮香槟，不过食到我个肚唔舒服，伤身之余，医药费都蚀埋，真系唔抵到极，小弟绝不推介！张贴
