影片
更多
2022-06-05
1528 浏览
2022年5月31日 星期二今日lunch去左太古城呢一间餐厅叫外卖返公司食，因为见网上面评价唔错，而且佢整既dry-aged beef burger仲拎过2016-2021既米芝莲推介添，所以一直以来都好想嚟试吓去到间餐厅见到里面装修得有美式风格，感觉好chill，坐足一日同friend慢慢倾下计都得餐牌有好多食物选择，有好多burger嘅款式，仲可以配唔同嘅小食，连二人或四人套餐都有，满足唔同人嘅需要，价钱都唔算太贵，一个burger大约$100左右，最后我要咗两个burger，再加小食，$300有找拎完野食临走之前店员仲温馨提示，原来可以外卖自取既地点仲新增左北角同西营盘，而且网上外卖平台o都可以做外卖速递添，咁就可以坐喺公司等食物送到返到公司打开包装见到洋葱圈仲有热气走出嚟，可能用咗锡纸包住嘅关系，所以唔会冻哂，洋葱圈炸得好脆身，份量都唔少之后有炸薯条配和风沙律酱，上面仲有海苔芝麻碎、唐辛子同木鱼，味道好丰富，而且唔会太油腻，冇谂过薯条都可以配唐辛子同木鱼，感觉好新鲜再黎有burger The Texan，用料有干式熟成牛肉而成既汉堡扒、焦糖洋葱、烟肉、炸洋葱圈等等，最特别系有
今日lunch去左太古城呢一间餐厅叫外卖返公司食，因为见网上面评价唔错，而且佢整既dry-aged beef burger仲拎过2016-2021既米芝莲推介添，所以一直以来都好想嚟试吓
去到间餐厅见到里面装修得有美式风格，感觉好chill，坐足一日同friend慢慢倾下计都得
餐牌有好多食物选择，有好多burger嘅款式，仲可以配唔同嘅小食，连二人或四人套餐都有，满足唔同人嘅需要，价钱都唔算太贵，一个burger大约$100左右，最后我要咗两个burger，再加小食，$300有找
拎完野食临走之前店员仲温馨提示，原来可以外卖自取既地点仲新增左北角同西营盘，而且网上外卖平台o都可以做外卖速递添，咁就可以坐喺公司等食物送到
返到公司打开包装见到洋葱圈仲有热气走出嚟，可能用咗锡纸包住嘅关系，所以唔会冻哂，洋葱圈炸得好脆身，份量都唔少
之后有炸薯条配和风沙律酱，上面仲有海苔芝麻碎、唐辛子同木鱼，味道好丰富，而且唔会太油腻，冇谂过薯条都可以配唐辛子同木鱼，感觉好新鲜
再黎有burger The Texan，用料有干式熟成牛肉而成既汉堡扒、焦糖洋葱、烟肉、炸洋葱圈等等，最特别系有蓝芝士，无谂到呢款配料会用落burger到，味道好特别，平时斋食蓝芝士会觉得唔好食，但今次夹埋其他配料又真系进入一个新既境界
最后当然唔少得有classic burger，除咗都系一样有熟成牛肉之外，仲配有枫糖烟肉、蕃茄、酸瓜同秘制酱料，果然系经典滋味配搭，味道好平衡，而且够晒丰富，一个人都差啲食唔晒，食完真系劲饱
张贴
