悅知味中泰越風味融合菜

营业中

休息中

我今日去探朋友，佢话屋企楼下有间唔错嘅餐厅，睇睇餐牌，都有几多款式，我地叫咗几款试吓。沙嗲串烧我地点咗串烧牛，烧得都几香，外面烧到焦焦地好香口，点埋佢地嘅沙嗲汁，好惹味。黄咖哩吉列猪排吉列猪排食落热辣辣，外皮炸得好脆卜卜，但唔算太油腻，猪排嘅质地都好juicy,一d都唔鞋，点埋佢地嘅黄咖哩，好正，d咖哩好正宗。泰式香芋腊味砂煲饭上枱时咋咋声，热辣辣，打开煲盖劲香芋头同腊味香味，mix完d材料，一啖食落去，劲正，d饭吸收晒d腊味香味，食到最last仲有饭焦，劲正。泰式芒果凉粉呢碗糖水劲多西米，而芒果同凉粉嘅份量都几多，唔算太甜，好味。芋头紫米露暖粒粒嘅紫米露，食落好暖胃，d紫米好足料，加上椰奶，食落好滑，仲有大量芋头，食到停唔到口。