Tivoli 意大利餐廳

营业中

休息中

朋友请食饭，佢话想去试呢间！咁我地又抱住试菜心情冲左入去！真系正，正，正！首先，服务劲正，所有待应都好勤力倒水，上菜！其中一个manager仲会走黎同我地倾下计，引我地笑；好敬业乐业！正食物，我地叫左蚬肉汤，劲多料！饮完巳饱，但好正！叫左个四季pizza，都好好味，因为有三种味系入边，但如果唔钟意洋葱朋友呢个唔多啱，因为佢有一个季节系全洋葱，但pizza厚薄适中又唔会好重味！叫左个芝士火腿鸡扒，佢地都做得okie，但我同朋友挂住倾计，搞到个扒有点冻左，但口感几好，同埋佢地配菜既薯仔应该系烩既，劲好味！到左最正个样系甜品！我同我朋友万万都无想到个甜品系最好食！本来好full但因为太好食，我地系完成晒个dessert！我地一人点左个，个名我无抄低(唔好意思)！但系意大利文黎，有图睇，系雪糕黎！黎到时我同朋友都哇哇声，因为好靓！食完第一口，哇正啊！好好味！唔会溶得好快，佢几种雪糕夹埋一齐又唔会好甜，但好夹d味！个manager仲话佢地唔容许同事用d暖碟放雪糕，如果唔系会好快溶！睇下几咁专业！呢餐系劲抵，因为唔好计价钱，剩系问下个胃，佢都话几贵都值回票价！我会再去食个甜品！