滿粥順德粥底海鮮火鍋

营业中

休息中

餐厅按人头收费，我哋拣咗$198嘅肉蟹餐，包咗七款海鲜、六款自选配料同埋煮粥要用嘅时蔬等。今次嘅海鲜有沙白、肉蟹、蛏子、鲍鱼、鱼片、鲜虾同埋蚬，份量都几多。按次序我哋渌咗啲沙白同蚬先，食落冇沙，非常之鲜甜，唔使点酱汁都已经好好食肉蟹睇啲蟹膏都知正，肉质新鲜爽滑；鲍鱼大大只，弹牙爽口；鱼片冇骨，相当脆口；啲蛏子同虾都几大只，整体上全部海鲜都好新鲜，份量亦都多，抵食自选配料几款式都几靓几吸引，连花胶片都有，我哋就拣咗肥牛、黑毛猪腩片、韭菜猪肉饺、酱爆濑尿牛丸、松露香菇贡丸同鱼腐竹卷。呢个时候个粥底锅已经有阵海鲜嘅鲜甜味，啲肥牛用粥底渌一渌，又滑又香！佢嘅丸类亦都好出色，酱爆濑尿牛丸一咬落出就有酱汁流出嚟，中间塞满馅料食完火锅料之后职员就会帮我哋加粥胆、蛋浆、猪油渣同菜脯等嘅材料，再捞埋本身已经落咗喺粥入面嘅芋头、南瓜同粟米，就成为味道同口感都好丰富嘅海鲜粥。整体嚟请「满粥」海鲜锅用料新鲜，价钱公道，环境企理，食完真系超满足！