影片
更多
2023-07-03
653 浏览
甚少写食评，但今日试过真系决心唔会再来，希望系度分享下，免得大家中伏！其实呢间都食过两次，都系一般，但未至于印象非常差。附近d嘢最近试过晒，咁今日攰攰地，见都几好坐嘅，咪俾多次机会佢啦见佢lunch 个价钱比起其他差唔同装修格局嘅餐厅平，(一般比较好坐，装修又都几靓嘅餐厅应该都要$90 - $150咁上下, 但呢间价位系 $65 - $90） ，加上之前都系觉得 ma ma 地，所以未入去都feel 到有种伏味，如果系第1次来，真系会比佢个价钱吸引好，咁入正题，叫咗个一口盐烧西冷牛肉饭，个名好似唔错，加埋个唔系好记得咩嘢蕃茄汤咁哗个蕃茄汤真系咁耐以来第一次见，真系一旧蕃茄仔，浸落汤度，蕃茄仲要无味，主汤唔知咩黎，白白地色，两样野完全唔夹，感觉好似无煮开饭，头一两次试整嘢食咁做实验！估唔到去过咁多西餐厅，呢次遇上最难饮嘅汤！好喇，轮到主菜，碟嘢劲喊，估唔到盐烧真系一粒粒盐咁拎出来，个汁唔至于好难食，但好似同d牛唔match,食落果种感觉好怪，而D牛又好实，有几旧多脂肪，人地一口牛系好少脂肪甚至无架ma其他配菜又系唔 match, 叫左饭但成大块生菜又沙律汁咁，感觉好滞， 所以基本上成碟嘢
其实呢间都食过两次，都系一般，但未至于印象非常差。附近d嘢最近试过晒，咁今日攰攰地，见都几好坐嘅，咪俾多次机会佢啦
见佢lunch 个价钱比起其他差唔同装修格局嘅餐厅平，(一般比较好坐，装修又都几靓嘅餐厅应该都要$90 - $150咁上下, 但呢间价位系 $65 - $90） ，加上之前都系觉得 ma ma 地，所以未入去都feel 到有种伏味，如果系第1次来，真系会比佢个价钱吸引
好，咁入正题，叫咗个一口盐烧西冷牛肉饭，个名好似唔错，加埋个唔系好记得咩嘢蕃茄汤咁
哗个蕃茄汤真系咁耐以来第一次见，真系一旧蕃茄仔，浸落汤度，蕃茄仲要无味，主汤唔知咩黎，白白地色，两样野完全唔夹，感觉好似无煮开饭，头一两次试整嘢食咁做实验！估唔到去过咁多西餐厅，呢次遇上最难饮嘅汤！
好喇，轮到主菜，碟嘢劲喊，估唔到盐烧真系一粒粒盐咁拎出来，个汁唔至于好难食，但好似同d牛唔match,食落果种感觉好怪，
而D牛又好实，有几旧多脂肪，人地一口牛系好少脂肪甚至无架ma
其他配菜又系唔 match, 叫左饭但成大块生菜又沙律汁咁，感觉好滞， 所以基本上成碟嘢系难食！
到最后系令我扣分扣到㡯嘅就系饮品， 叫左个冻美式咖啡，仲要加 $12， 有一刻谂紧叫唔叫好，不过平时我饮开美式咖啡，所以都照计啦
哗，一出来系接近冻柠茶果双啡色，又无冰，我仲同个侍应讲，我叫左美式咖啡㖞，佢话呢个系黎，咁都算啦，照饮，完全无味，呢柸系水： 咖啡 1: 4 咁嘅分量， 就连d无限添饮沟到稀晒嘅饮品都有味过佢！
另外，平时我会加少少糖浆，但唔落奶， 咁我叫侍应加糖，佢比咗热咖啡d一粒粒啡糖我，个container 系几精致，但唔系我要嘅糖，咁我话想要糖浆，落落去冻饮果d,
点知佢拎走完一粒粒糖之后，都系同样比返一粒粒糖我，即系无换过！
好在我好脾气果d，都算数，我已选择放弃，食到最后都已经唔想再食
顺带一提，个餐有个包，会来左碟饭食到一半佢先至来
埋单 $80， 完全对唔得住个价，我谂呢餐应该值 $50 已经俾到尽喇
总结： 系好难食嘅茶餐厅饮食，放系一间装修几靓嘅西餐厅/cafe里面！
张贴