韓一石頭鍋 (已搬遷) 新店位置

一D韩国味都无, 前菜小食都唔系韩式嘅,最基本的kimchi都怪怪味, 叫咗个二人餐念住加个炒粉丝(有大细分嘅), 问个侍应细大约系几大, 佢就答例牌啰, 咁我再问例牌则系几大呀, 佢就答够架啦, 够两个人食架啦..... >.< 真系比佢激死, 我哋系好大食而且当时好肚饿, 平时一大圆碟的炒粉丝我自己都可以食哂, 佢鬼知我够唔够食咩. 不过好彩我哋都系叫咗个细(只是一个长方碟, 就好似放sushi𠮶种) 因为系难食到食咗两啖就放弃了, 味道就有D似干炒牛河, 我知炒粉丝系油但佢D油多到呢就只系食到D油味, 仲可以见到D粉丝系比油浸住啰, 跟餐𠮶碟炒杂菜又系同一个味~就系油味>.<......𠮶个豆腐煲呢, D豆腐就涷嘅, 上面就加咗一D搅咗李X记麻婆豆腐酱嘅肉上去. 同屋企自己煮冇咩分辨只系欠个热锅.石头饭就仲离谱, 全陪都系饭焦一粒软嘅饭都食唔到, 就好似食𠮶D"童星"面咁.结果我同我老公都食唔饱, 要去商场一人食底鸡蛋仔先饱. (呢档九龙城商场鸡蛋仔真是值得推介, 有时我哋都会特登坐车来食, 比起尖沙咀排长龙个间好食得多)