龍皇酒家 (Mikiki) (已結業)

大名鼎鼎帜哥既酒楼，小菜当然出名饮茶唔知又会点，舖面就够晒贵气，走高贵既中菜馆风仲有酒柜等等，气氛相当不错，食物选择多，亦有不少有心机既特式野，服务员周到就当然啦鲍汁凤爪，卖相OK，精致小碟，味道适中，汁液啱啱好挂系凤爪上惹味既，但略嫌唔系好够热，处于室温状态有少少怪加个冷盘回味醉鸡，色香都有期望高下食落味道好，但只有咸香，无咩花雕味，唔当醉鸡既就一百分山竹牛肉，正正常常，肉质腍但有口感，唔会梅味道OK，另外叫左个春风得意肠，卖相一流，好得意其实系加左脆炸腐皮同肉松系入面，做长几个口感，几创新几好味既食闷左一般肠粉既都系一个唔错既代替品，加埋沙巴海虾饺，一入口就知道系海虾，虾味特别浓而虾肉较弹牙但相对皮都几厚，虾同荀既味夹得一般，中规中矩啦蚬蚧鮻鱼球，炸得不错，唔会油，非常弹牙但个蚬蚧发生咩事，唔香，无鲜味，死咸，点鱼露仲好过最后炒左碟豉椒龙趸头腩炒河，上枱不错，炒野果然无令人失望好好味又够镬气，香口又有风味，龙趸头腩粉唔厚，鱼肉保持鲜嫩味道想保住鱼鲜所以唔会咸，加埋浓味豉椒河就好夹成餐茶，卖相二百分，碟碟都正但细节同味道差啲，本来无咩，但话晒都高价仲不帜哥个名点都高啲期望既，大家自决