百伏棧台灣小吃

营业中

休息中

走入黎大有商场本来系想去食三楼既小笼包，不过见有间新野排哂队，所以就攞个menu黎睇。既然系唔系都要排，依间台湾野又好似几好食，不如就试新野啦，所以就叫左个特价午餐外卖返公司：　红烧牛肉刀削面配珍珠奶茶：珍珠奶茶好好饮。奶，糖同珍珠既份量都好适中。个牛肉面就有少少失望。张纸写＂手工刀削面＂，不过一打开个盒就知道系机切，唔系刀削，而且每条都好长，完全失去个刀削面既意思。牛肉唔会好似某D餐厅咁硬，份量同味道都冇问题，只系佢既刀削面同我想像既有出入，所以比我扣左分。特价午餐本为HK$36，转配刀削面加HK$3，外卖另加HK$1 。HK$40食到我咁饱，真系几低架。