十二味 (赫德道)

营业中

休息中

今日發現到一間尖沙咀同朋友傾偈食飯嘅好地方。就正正喺K11後面嗰條街，見到地舖有好多紅色燈籠嘅就係！餐廳範圍好大，所以都應該容易搵位。而且食飯都冇限時，同埋枱同埋枱之間距離都幾遠。非常之適合傾偈同埋敘舊食飯！整體嚟講餐廳都唔算太貴，尖沙咀晚市嚟講，60幾蚊有個小菜。同啲朋友叫白飯就可以一路傾偈一度食。當中特別推薦，大家一定要食酸菜魚。勁大碗，非常足料。材料方面有：酸菜、魚、勁多寬粉、萵筍、芽菜、桂花葉。揀咗唔辣嘅味道，咁就可以同食唔到辣嘅朋友一齊食！小龍蝦就叫咗小辣，佢香辣並且惹味。食完一隻雖然嘴唇有啲麻痹嘅感覺，但係依然都會忍唔住再食多一隻！