鹿鳴春飯店 (已結業)

今晚和长辈庆生，拣咗老牌饭店鹿呜春，谂住俾上一代怀勉一下过去，点知中晒伏。先黎两碟前菜:花生同酸菜。花生无咩味又唔香。酸菜太甜又唔够酸。麻酱鸡丝粉皮，同样地，好难食。渌粉皮啲水都未“鲸”干，麻酱无味，唔香，鸡丝肉同鸡皮份量相等，成碟野淡而无味，粉皮太硬无口感。一个字:差。北京片皮鸭，师傅系你面前皮，都有成廿块鸭皮，唔算太脆，味道还可。至于块白色皮，真系未食过咁厚，差1mm,就厚过块鸭皮。食两块，已经成晚都唔洗再食野。唯一可取系配料青瓜同京葱，以及海鲜酱分量够，唔洗问可唔可以俾多少少。仲有京葱炒牛肉，毫无特别，又无咩镬气，可以唔叫。小笼包，无汤汁。炸酱面，好一般，面质淋。总括而言，呢度虽然价格ok，而且都有地道老香港风味，但食物质数就唔系咁好食，带老外朋友黎见解下老香港就得，但要食好味上海菜，就有好多其他更多选择。